ტექნოპარკს უნგრეთის საგარეო საქმეთა და ვაჭრობის მინისტრი პიტერ სიიარტო  ეწვია, რომელსაც საქართველოს ეკონომიკისა და მდგრადი განვითარების მინისტრის მოადგილემ, გიორგი ჩერქეზიშვილმა უმასპინძლა. 

ეკონომიკის სამინისტროს ინფორმაციით, სტუმარმა ტექნოპარკის სივრცე დაათვალიერა და  ინოვაციების სააგენტოს პროგრამებსა და პროექტებს გაეცნო. 

მათივე ინფორმაციით, ვიზიტის მიზანია,  ორი ქვეყნის თანამშრომლობის გაღრმავება  ეკონომიკის, საგანმანათლებლო და კულტურის სფეროებში.

აღნიშნული ვიზიტის ფარგლებში  შეხვედრა გაიმართა ინოვაციების სააგენტოს ხელმძღვანელობასთან, რომელზეც ისაუბრეს საქართველოს ევროპული და ევრო-ატლანტიკური ინტეგრაციის საკითხებსა და ინოვაციების და ტექნოლოგიების მიმართულებით თანამშრომლობაზე. 

შეხვედრას ასევე,   უნგრეთის საგანგებო და სრულუფლებიანი ელჩი საქართველოში, შანდორ საბო დაესწრო. 

უნგრეთის საგარეო საქმეთა და ვაჭრობის მინისტრი საქართველოს 16-18 მარტს ოფიციალური ვიზიტით ეწვია. ვიზიტის ფარგლებში დაგეგმილია შეხვედრები საქართველოს პრეზიდენტთან, პრემიერ-მინისტრთან, პარლამენტის თავმჯდომარესთან, საგარეო საქმეთა, ენერგეტიკის და ინფრასტუქტურისა და რეგიონალური განვითარების მინისტრებთან.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა