ევროკავშირის საბჭოს ანგარიშის თანახმად, 2014-2015 წლებში საქართველოს პენიტენციურ დაწესებულებებში პატიმართა მოთავსების მაჩვენებელი გაიზარდა. ანგარიში ევროკავშირის საბჭომ დღეს გამოაქვეყნა. 

როგორც ანგარიშშია ნათქვამი, ევროპის მასშტაბით, პატიმრების რაოდენობა 6.8%-ით არის შემცირებული, თუმცა 15-მდე ქვეყანაში პენიტენციურ დაწესებულებაში ადამიანთა რიცხვი კვლავ საკმაოდ მაღალია. ერთ-ერთი ასეთი ქვეყანა საქართველოა. 

ანგარიშის მიხედვით, 2015 წელს, ევროპის მასშტაბით, 1 მილიონ 404 ათას 398 ადამიანს შეეფარდა პატიმრობა, რაც 102 ათას 880-ით ნაკლებია 2014 წელთან შედარებით. 

საკვლევი დროის პერიოდში, ციხეებში მოთავსების ინდექსი შემცირდა შემდეგ ქვეყნებში: საბერძნეთი (-18.8%), ხორვატია (-10.2%), დანია (-11.9%), ჩრდილოეთ ირლანდია (-9.7%), ჰოლანდია (-9.5%), ლიტვა (-8.8%), რუმინეთი (-8.6%) და სლოვენია (-8.2%).

ამასთან, ქვეყნების სია, სადაც პენიტენციურ დაწესებულებებში მსჯავრდებულების რაოდენობა გაზრდილია, შემდეგნაირად გამოიყურება: საქართველო (+20.5%), მაკედონია (+12%), თურქეთი (+11.6%), ჩეხეთი (+11.4%) და ალბანეთი (+10.3%).

თავისუფლების აღკვეთის ყველაზე მაღალი ინდექსი დაფიქსირდა - რუსეთში  (439.2 პატიმარი), ლიტვაში (277.7), საქართველოში (274.6), აზერბაიჯანში (249.3), ლატვიაში (223.4), თურქეთსა (220.4) და მოლდოვაში (219.9). 

რაც შეეხება მსჯავრდებული ადამიანების ციხეში მოხვედრის მიზეზებს, ანგარიშის მიხედვით, ევროპის მასშტაბით, ყოველი მეხუთე პატიმარი სასჯელს ნარკოტიკული საშუალებების გამო იხდის. აღსანიშნავია, რომ ეს მაჩვენებელი საქართველოში, რუსეთში, აზერბაიჯანში, მონტენეგროში, კვიპროსსა და ლუქსემბურგში 25%-ს აღწევს. 

სტატისტიკის მიხედვით, ნარკოტიკული საშუალებების გამო სასჯელის მოხდის შემდეგ, მეორე ადგილი ქურდობას (16.2%), მესამე კი მკვლელობასა (13.2%) და ძარცვას (12.6%) უჭირავს. 

პენიტენციურ დაწესებულებაში მსჯავრდებულის გარდაცვალების მიზეზი პირველ რიგში ბუნებრივი სიკვდილი სახელდება, მეორე ადგილს კი თვითმკვლელობა იკავებს (25%). 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის