წინასწარი ინფორმაციით, ოკუპირებული აფხაზეთის ე.წ ყოფილი პრეზიდენტი ალექსანდრ ანქვაბი დე ფაქტო პარლამენტის წევრი გახდა, - ამის შესახებ apsnypress იუწყება. 

მედიის ცნობით, ალექსანდრ ანქვაბმა ხმათა 52%-ზე მეტი მიიღო. ის კენჭს გუდაუთის ოლქიდან იყრიდა. აფხაზეთის "პარალამენტის არჩევნები" 12 მარტს ჩატარდა. 35 "სადეპუტატო მანდატისთვის" 135 ადამიანი იბრძოდა. პირველ ტურში 12 ე.წ დეპუტატი აირჩიეს, 22 ოლქში მეორე ტური, ხოლო ერთ ოლქში - "არჩევნები" განმეორებით ჩატარდება.

შეგახსენებთ, რომ ოკუპირებული აფხაზეთის დე ფაქტო ლიდერი ალექსანდრ ანქვაბი "პრეზიდენტის" პოსტიდან ვადაზე ადრე, 2014 წლის 1 ივნისს, ოპოზიციის ზეწოლის შედეგად გადადგა. ოპონენტები მას ქართული მოსახლეობისთვის პასპორტების უკანონოდ გაცემაში ადანაშაულებდნენ.  მისი გადადგომის შემდეგ ოკუპირებული აფხაზეთის ე.წ პრეზიდენტად რაულ ხაჯიმბა აირჩიეს. 12 თებერვალს ის აფხაზეთში პირველად დაბრუნდა საარჩევნო კამპანიაში მონაწილეობისთვის, ხოლო "დეპუტატობის" კანდიდატად 19 თებერვალს დარეგისტრირდა.       

ცნობისთვის, აფხაზეთში დე ფაქტო საპარლამენტო არჩევნები 12 მარტს ჩატარდა.

საქართველოს ხელისუფლება ოკუპირებულ რეგიონში გამართულ არჩევნებს არ აღიარებს და მას არალეგიტიმურს უწოდებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს