2017-03-10 12:47:42, 2424 ნახვა
სამართალი
დეკანოზ გიორგი მამალაძის დაკითხვა 13 მარტს განახლდება
მკვლელობის მომზადების ფაქტზე ბრალდებული დეკანოზის, მამა გიორგი მამალაძის დაკითხვა 13 მარტს განახლდება.
როგორც „იმედს“ დეკანოზის ადვოკატმა მიხეილ რამიშვილმა განუცხადა, დაკითხვა ორშაბათს, 10:00 საათზეა ჩანიშნული.
ამასთან, ადვოკატების განცხადებით, მამა გიორგი უკვე ორი დღეა ჩვენების მისაცემად მზად არის.
შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, 15 თებერვალს კი, ე.წ. მატროსოვის ციხეში გადაიყვანეს. აღსანიშნავია, რომ დეკანოზი წარდგენილ ბრალს არ აღიარებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
