2017-03-09 10:50:25, 2971 ნახვა
მსოფლიო
ერაყში ქორწილის დროს 2 აფეთქება მოხდა - დაღუპულია სულ მცირე 23 ადამიანი
ერაყის სოფელ ჰაჯაჯში, ქორწილის დროს ორი აფეთქება მოხდა, რის შედეგადაც სულ მცირე 23 ადამიანი დაიღუპა, - ამის შესახებ Reuters იუწყება.
არსებული ინფორმაციით, ასაფეთქებელი მოწყობილობა თვითმკვლელმა ტერორისტმა აამოქმედა.
მედია საშუალების ინფორმაციით, ამ დროისთვის თავდასხმაზე პასუხისმგებლობა არცერთ ტერორისტულ დაჯგუფებას არ აუღია.
შეგახსენებტ, რომ მსგავსი ინციდენტი ერაყის ქალაქ ფალუჯაში გასული წლის 18 ნოემბერს მოხდა. საქორწილო ცერემონიალის დროს დანაღმული ავტომობილი აფეთქდა. ინციდენტის შედეგად 21 ადამიანი დაიღუპა და 42 კი, დაშავდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
