ოკუპირებული აფხაზეთის ე.წ საგარეო საქმეთა სამინისტრო, ამერიკის შეერტებული შტატების სახელმწიფო დეპარტამენტის მიერ, 2 გამშვები პუნქტის დახურვასთან დაკავშირებით გამოქვეყნებულ განცხადებას ეხმაურება.

როგორც ე.წ საგარეო უწყების განცხადებაშია ნათქვამი, აშშ-ის დეპარტამენტი 2 პუნქტის გახსნას "თავხედურად" ითხოვს.

დე ფაქტო აფხაზეთი კიდევ ერთხელ მოუწოდებს "საერთაშორისო ორგანიზაციებს და საქართველოს მეგობარ ქვეყნებს, რესპუბლიკის შიდა პოლიტიკაში ჩართულობისგან თავი შეიკავონ და საკითხის სპეკულაციას თავი დაანებონ".

"6 მარტს ამერიკის შეერთებული შტატების სახელმწიფო დეპარტამენმა გამოაქვეყნა განცხადება, რომელშიც "დიდ შეშფოთებას" გამოთქვამს, 2 გამშვები პუნქტის დახურვასთან დაკავშირებით.

განცხადებაში ნათქვამია, რომ გამშვები პუნქტების დახურვა მოსახლეობისთვის გადაადგილების თავისუფლებას შეზღუდავს და ამასთან, ჰუმანიტარული დახმარების მიმოსვლას შეუქმნის პრობლემებს. გარდა ამისა, დეპარტამენტში თვლიან, რომ საზღვრის გადაკეტვა, ჟენევის დისკუსიის დარღვევას ნიშნავს. ისინი, თავხედურად ითხოვენ 2 გამშვები პუნქტის გახსნას.

აფხაზეთის რესპუბლიკის საგარეო საქმეთა სამინისტრო იძულებულია კვლავ აღნიშნოს, რომ ხელისუფლების მიერ მიღებული გადაწყვეტილება მიესადაგება ქვეყნის კანონმდებლობას, პასუხობს უსაფრთხოების ზომების დაცვას და გადახედვას არ ექვემდებარება. ორშაბათს, 6 მარტს ორი გამშვები პუნქტის დახურვის ოფიციალური ცერემონია გაიმართა.

შესაბამისად, ნებისმიერი მოწოდება საქართველოს მეგობარი-პარტნიორი ქვეყნებიდან ან საერთაშორისო სტრუქტურებიდან, პუნქტების გახსნასთან დაკავშირებით, აზრს მოკლებულია და ვერაფერს გამოიწვევს, გარდა გაკვირვებისა. მოვუწოდებთ, საქართველოს მეგობარ ქვეყნებს, მათ შორის საერთაშორისო ორგანიზაციებს, საკითხის სპეკულირებას თავი დაანებონ, ვინაიდან ეს აფხაზეთის რესპუბლიკის შიდა პოლიტიკაა.

რაც შეეხება ჟენევის დისკუსიებს, რომლებზეც საუბარია დეპარტამენტის განცხადებაში, აღსანიშნავია, რომ მათ თბილისის კონტრპროდუქტიული პოზიცია ავნებს. სწორედ თბილისის გამო, ყოველ ჯერზე ვერ ხერხდება "ძალის არ გამოყენების" თაობაზე შესაბამისი დოკუმენტის მიღება", - ნათქვამია ე.წ საგარეო საქმეთა სამინისტროს განცხადებაში.

ცნობისთვის, ამერიის შეერთებული შტატების სახელმწიფო დეპარტამენტი ღრმად შეშფოთებულია აფხაზეთის დე-ფაქტო ხელისუფლების გადაწყვეტილებით, საქართველოს ოკუპირებული ტერიტორიის, აფხაზეთის ადმინისტრაციულ საზღვარზე განთავსებული ორი გადასასვლელი დახუროს.

შეგახსენებთ, რომ აფხაზეთის დე ფაქტო ხელისუფლების გადაწყვეტილებით, აფხაზეთის რეგიონის სოფლებში, ნაბაკევსა და ოტობაიაში, ე.წ. გადასასვლელი პუნქტები ჩაიკეტა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფაშინიანი ხმის მიცემის შემდეგ - მიყვარს საქართველო და მიყვარს ქართველები

ფაშინიანი პუტინის განცხადებაზე: რეფერენდუმი მაშინ ჩატარდება, როდესაც რეფერენდუმის თემა იქნება

ანგელა მერკელმა აღიარა, რომ მისი თანამდებობაზე ყოფნის წლებში თავდაცვის ხარჯები არასაკმარისი იყო

სომხეთში მიმდინარე საპარლამენტო არჩევნებში ყოველთა სომეხთა კათოლიკოსმა ხმა მისცა