მმართველი გუნდი ინიაციატივით გამოდის, სასამართლო სისტემასთან დაკავშირებით პრეზიდენტის გარკვეული კომპეტენციები იმ ორგანოებზე გადავიდეს , „რომლებიც სასამართლოს თვითრეგულაციას და თვითმმართველობას ეფუძნება“.

ამის შესახებ პარლამენტის თავმჯდომარე ირკალი კობახიძე საკონსტიტუციო კომისიის დღევანდელ სხდომაზე განაცხადა.

მან კომისიის წევრებს კონსტიტუციაში განსახორციელებელ ცვლილებებზე „ქართული ოცნების“ ხედვები და წინადადებები გააცნო:

„სასამართლოს დამოუკიდებლობას რაც შეეხება, აქ არის მთელი რიგი რეგულაციებისა. არსებითად უცვლელი რჩება პრინციპული ნაწილი სასამართლოს თავის, თუმცა არის გარკვეული ცვლილებები შემოთავაზებული, რომელმაც შეიძლება გრძელვადიან პერსპექტივაში კიდევ უფრო აამაღლოს საერთო სასამართლოების დამოუკიდებლობის ხარისხი. გვინდა, რომ ეს შემოთავაზებული ცვლილებები დაინახოთ გრძელვადიან პერსპექტივაში, დავაკონკრეტებ, საუბარია გარკვეული კომპეტენციების გადატანაზე პრეზიდენტის ინტიტუტიდან იმ ორგანოებზე, რომლებიც ეფუძნება სასამართლოს თვითრეგულაციას და თვითმმართველობას. ამის თაობაზე არსებობდა ვენეციის კომისიის კონკრეტული რეკომენდაციები. ჩვენ თუ გრძელვადიან პერსპექტივაში დავინახავთ ამ ცვლილების ეფექტს, დავრწმუნდებით, რომ ეს ყველაფერი ემსახურება სასამართლოს დამოუკიდებლობის კიდევ უფრო გამყარებას“, - განაცხადა პარლამენტის თავმჯდომარე.

მან კიდევ ერთხელ აღნიშნა, რომ პრეზიდენტი უნდა იყოს არბიტრი და არა პოლიტიკური ფიგურა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლიციამ თბილისში დამამძიმებელ გარემოებებში ჩადენილი განზრახ მკვლელობის ბრალდებით ორი პირი დააკავა

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან