აჭარის ტურიზმის დეპარტამენტმა რეგიონის ტურისტული პოტენციალი და საინვესტიციო შესაძლებლობები ყაზახ ბიზნესმენებს ასტანაში გამართულ ბიზნესფორუმზე გააცნო. საინვესტიციო ფორუმზე „Visit Ajara /Invest in Ajara” აჭარის ტურიზმის დეპარტამენტის წარმომადგენლებმა რეგიონის ტურისტული შესაძლებლობების შესახებ პრეზენტაცია გამართეს და ბიზნესმენებს, პოტენციურ ინვესტორებსა და ფორუმის მონაწილეებს აჭარაში ტურიზმის განვითარების პერსპექტივები გააცნეს.

ბიზნესფორუმის მონაწილეებს ასევე მიეწოდათ ინფორმაცია აჭარის საპრივატიზაციო ობიექტებზე, საქართველოში ბიზნესის დაწყების რეგულაციებსა და რეგიონის ეკონომიკის ძირითად პარამეტრებზე. ფორუმის ბოლოს მონაწილეებს საშუალება ჰქონდათ ქართულ არამატერიალურ კულტურას - სამზარეულოს, ღვინოსა და ფოლკლორს გაცნობოდნენ.

ფორუმის ფარგლებში ქართულმა და ყაზახურმა კომპანიებმა ორმხრივი შეხვედრებიც გამართეს, რაც ურთიერთანამშრომლობის გაღრმავებასა და ერთობლივი პროექტები განხორციელებას შეუწყობს ხელს.

აჭარის მთავრობის დელეგაცია ასტანაში 27 მარტიდან იმყოფება. დელეგაციაში იმყოფება აჭარის მთავრობის თავმჯდომარე ზურაბ პატარაძე, აჭარის ტურიზმის დეპარტამენტის ხელმძღვანელი სულხან ღლონტი, აჭარის განათლებისა და კულტურის მინისტრი ინგა შამილიშვილი, აჭარის სოფლის მეურნეობის მინისტრი ლაშა კომახიძე, აჭარის ფინანსთა და ეკონომიკის სამინისტროსა და ტურიზმის დეპარტამენტის წარმომადგენლები. ვიზიტის ფარგლებში არაერთი ოფიციალური შეხვედრა გაიმართა როგორც ყაზახეთის მთავრობის ასევე, კერძო სექტორის წარმომადგენლებთან. დელეგაცია ყაზახეთის რესპუბლიკას 1 მარტს დატოვებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა