"ვითიბი ბანკმა" ბარათების წამახალისებელი გათამაშება დაიწყო.  

1 აპრილიდან ვითიბი ბანკის Rugby Card-ის, ან ნებისმეირი სხვა ბარათის  მფლობელი ავტომატურად ჩაერთო ბანკის წამახალისებელ გათამაშებაში.

ბარათით ანგარიშსწორებისას, მომხმარებელი ყოველ 20, ან მეტ ლარიან ტრანზაქციაზე, 1 ბილეთს  მიიღებს. გათამაშება შედგება 28 ივლისს. ლოტოტრონის პრინციპით გამოვლენილი გამარჯვებულები, 2 ოქტომბერს ინგლისში, რეგბის მსოფლიო ჩემპიონატზე, საქართველოსა და ახალი ზელანდიის ეროვნული ნაკრებების მატჩზე დასასწრებად გაემგზავრებიან.

გათამაშებაში მონაწილეობის პრინციპი მარტივია, რაც უფრო  ხშირად ხდება  ანგარიშსწორება ბარათით, მით უფრო მეტი  ბილეთი გროვდება და შესაბამისად, გამარჯვების შანსებიც იზრდება.

ამასთან ერთად, 1 აპრილიდან ვითიბი ბანკი, მომხმარებელს სთავაზობს სპეციალურად რეგბის მსოფლიო თასისთვის შექმნილ განსაკუთრებული დიზაინის ბარათს-Rugby Card.

აღნიშნული ბარათით ანგარიშსწორებისას მომხმარებელი ყოველ 20, ან მეტ ლარიან ტრანზაქციაზე გათამაშების 2 ბილეთს მიიღებს.

ვითიბი ბანკის წამახალისებელ გათამაშებაზე  დღევანდელ პრესკონფერენციაზე ვითიბი ბანკის საცალო ბიზნესის  დირექტორმა ვალერიან გაბუნიამ ისაუბრა:

"ვითიბი ბანკი ეროვნული ნაკრების გენერალური სპონსორია, შესაბამისად, გადავწყვიტეთ, თანადგომა  კიდევ ერთხელ გამოგვეხატა და Rugby Card-ის გამოშვებაც სწორედ ამიტომ გადავწყვიტეთ.
1 აპრილიდან  მომხმარებელი ვითიბი ბანკის Rugby Card-ით, ან ნებისმიერი სხვა ბარათით გადახდისას ერთვება წამახალისებელ გათამაშებაში და შესაძლებლობა ეძლევა, მოიგოს ინგლისში საქართველოს  ეროვნული ნაკრების მატჩზე დასწრება.Rugby Card-ით ანგარიშსწორების შემთხვევაში,  მოგების შანსი იზრდება, რადგან ყოველ 20, ან მეტ ლარიან ტრანზაქციაზე მომხმარებელი 2 ბილეთს იღებს. სხვა ბარათების შემთხვევაში იგივე თანხაზე 1 ბილეთი გაიცემა.Rugby Card  ვიზუალურად ყველა სხვა ბარათისგან განსხვავდება. მასზე ცოცხალი სურათია დატანილი რაგბის თამაშისა. გარდა ამისა, ამ ბარათის მფლობელს ორმაგი შანსი აქვს, მოხვდეს  ინგლისის მსოფლიო ჩემპიონატზე. აღსანიშნავია, რომ ეს არის ბარათი, რომელიც იმოქმედებს 3 წლის განმავლობაში და მსოფლიო ჩემპიონატის დასრულების შემდეგ ბარათი არ გაუქმდება, ის  იქნება  ჩვეულებრივი მოქმედი ბარათი",-განაცხადა ვალერიან გაბუნიამ.

ფოტო რეპორტაჟი

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი