მეუფე დიმიტრის ინფორმაციით, პატრიარქის დაცვის სამსახურის უფროსმა თანამდებობა დატოვა

2017-02-23 17:44:49, 1332 ნახვა

საზოგადოება

ბათუმისა და ლაზეთის მიტროპოლიტის, მეუფე დიმიტრი შიოლაშვილის ინფორმაციით, სრულიად საქართველოს კათოლიკოს პატრიარქის უწმინდესის და უნეტარესის ილია მეორის დაცვის სამსახურის უფროსმა სოსო ოხანაშვილმა თანამდებობა დატოვა.

ამის შესახებ მეუფემ „TV პირველს“ განუცხადა.

„მე რამდენადაც მაქვს ინფორმაცია, მგონი გადადგა. არ ვარ თბილისში, მოვდივარ ახლა. მე რა ინფორმაციაც მაქვს, მთელი შემადგენლობით მოხდა დაცვის სამსახურის შეცვლა“,-განაცხადა მეუფე დიმიტრიმ.

სოსო ოხანიშვილის მიერ თანამდებობის დატოვების შესახებ გავრცელებული ინფორმაციის გადამოწმების მიზნით მედიის წარმომადგენლებმა დღეს საპატრიარქოს მდივან მამა მიქაელ ბოტკოველსაც მიმართეს. ბოტკოველმა კითხვას არ უპასუხა, თუმცა აღნიშნა, რომ მას შემდეგ, რაც ილია მეორე სამშობლოში დაბრუნდა, ოხანაშვილი საპატრიარქოში არ უნახავს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან