2017-02-14 14:57:26, 2271 ნახვა
სამართალი
ომბუდსმენი: დეკანოზი გიორგი მამალაძე ბრალს არ აღიარებს და ოჯახის უსაფრთხოებას ითხოვს
სახალხო დამცველის უჩა ნანუაშვილის განცხადებით, დეკანოზი გიორგი მამალაძე ბრალს არ აღიარებს და ოჯახის უსაფრთხოებას ითხოვს.
როგორც ნანუაშვილმა დეკანოზთან შეხვედრის შემდეგ განაცხადა, მამა გიორგის საქმეში არსებობს პროცედურული დარღვევები.
მისივე თქმით, დეკანოზს დაკავების მომენტში სატელეფონო ზარის განხორციელების უფლება არ მიეცა.
"დეკანოზი ბრალს არ აღიარებს. ამბობს, რომ ეს არის აბსურდული ბრალდება. ის აგრძელებს ბრძოლას სიმართლის დასადგენად. დეკანოზი ყველას სთხოვს ამ საქმის პოლიტიზირება არ მოხდეს“,-აღნიშნა ომბუდსმენმა.
ნანუაშვილის ინფორმაციით, ბრალში, რომელიც დეკანოზს წარედგინა, მაღალ სასულიერო პირზე საუბარი არ არის.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
