კიევში ქართველი „კანონიერი ქურდი“, გელა ქარდავა დააკავეს, - ამის შესახებ Interfax-ი უკრაინის შინაგან საქმეთა მინისტრზე, არსენ ავაკოვზე დაყრდნობით იუწყება.

ავაკოვის ინფორმაციით, 42 წლის ქარდავა ყაჩაღობისა და ძარცვის ფაქტებზე რამდენჯერმეა ნასამართლები.

მედია საშუალების ცნობით, სპეცოპერაცია კიევში გუშინ ჩატარდა, რის შედეგადაც გელა ქარდავა დამქაშებთან ერთად, დედაქალაქის ერთ-ერთ რესტორანში დააკავეს.

როგორც შს მინისტრი Facebook-ის საკუთარ გვერდზე წერს, ქარდავა "კანონიერ ქურდად" მოსკოვში, 1996 წელს მონათლეს, მაშინ ის 21 წლის იყო.

მისივე თქმით, სამართალდამცველები უკრაინაში მის მოღვაწეობას ამოწმებენ. არსებული ინფორმაციით, ის უკრაინაში სხვადასხვა კრიმინალურ დაჯგუფებასთან არის კავშირში.

"დაკავების დროს, ქარდავას სავარაუდოდ გაყალბებული პასპორტი აღმოაჩნდა ოლეგ გოლომბას სახელზე, რომელიც ვითომ სიმფეროპოლშია დაბადებული. სავარაუდოდ პასპორტი იმ გათვლილ არის გაყალბებული, რომ ანექსირებული ყირიმის ბაზებზე წვდომა გართულებუალია და მის იდენტიფიცირებას უფრო მეტი დრო დასჭირდეს", - წერს ავაკოვი.

ამასთამ, ავაკოვის ცნობით, არსებობს ინფორმაცია, რომ გელა ქარდავა არის რუსეთის შინაგან საქმეთა სამინისტროს საშტატო აგენტი. ასევე მოწმდება მისი კავშირი რუსეთის სპეცსამსახურებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება