რუსეთის პრეზიდენტი ვლადიმერ პუტინი მზად არის, ამერიკელ კოლეგას დონალდ ტრამპს შეხვდეს, - ამის შესახებ BBC რუსეთის პრეზიდენტის პრესმდივანზე დიმიტრი პესკოვზე დაყრდნობით იუწყება.

როგორც პესკოვმა BBC-სთან ინტერვიუში აღნიშნა, უახლოეს პერიოდში ვლადიმერ პუტინი დონალდ ტრამპს დაურეკავს და პრეზიდენტად ოფიციალურად დანიშნვას მიულოცავს.

მისი განმარტებით, პუტინისა და ტრამპის შეხვედრა შესაძლოა, უახლოეს თვეებში შედგეს.

"უახლოეს დღეები პრეზიდენტი პუტინი ამერიკელ კოლეგას დაურეკავს და თანამდებობის ოფიციალურად დაკავებას მიულოცავს. რაც შეეხება შეხვედრას, ის უახლოეს კვირებში მოსალოდნელი არ არის. პირიქით შესაძლოა, მხოლოდ რამდენიმე თვეში მოხდეს. ახლადარჩეულ პრეზიდენტს ახლა ბევრი საქმე აქვს და მისთვის თავისი ქვეყანაა პრიორიტეტული. თუმცა, მე ეჭვი არ მეპარება, რომ ვლადიმერ პუტინი ამ შეხვედრისთვის მზად არის", - განაცხადა პესკოვნმა.

ცნობისთვის, ვლადიმერ პუტინმა განაცხადა, რომ ტრამპთან შესახვედრად ნებისმიერ დროს მზად არის. თუმცა, პუტინის თქმით, უმჯობესია ჯერ ახალი ადმინისტრაცია ჩამოყალიბდეს და მხარეებს შორის შეხვედრა მას შემდეგ შედგეს.

შეგახსენებთ, რომ აშშ-ის 45-ე პრეზიდენტის, დონალდ ტრამპის ინაუგურაცია გუშინ შედგა. რესპუბლიკელმა ფიცი, თბილისის დროით 21:00 საათზე დადო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება

ელენე ხოშტარია - რეალური ზეწოლის პირობებში ოცნება უკან იხევს

ამირან გამყრელიძე დიუშენის კუნთოვანი დისტროფიით დაავადებული ბავშვების მკურნალობასთან დაკავშირებით რეკომენდაციას ავრცელებს