პრეზიდენტის პრესსპიკერის ეკა მიშველაძის განცხადებით, გიორგი მარგველაშვილი მიიჩნევს, რომ საქართველოში ყველა პოლიტიკურმა ძალამ, რომელიც ნათლად ხედავს, ქვეყნის ევროპული და ევროატლანტიკური არჩევანი ერთადერთი და შეუქცევადია, ამ იდეის პოპულარიზაციის თვალსაზრისით მეტი უნდა იმუშაოს.

ამის შესახებ მიშველაძემ „ექსპრესნიუსის“ NDI-ს კვლევის შედეგებთან დაკავშირებით განუცხადა. კერძოდ, კვლევის თანახმად, გამოკითხულთა უმრავლესობისთვის ევროპულ და ევროატლანტიკურ სტრუქტურებში ინტეგრაციასთან დაკავშირებით, მათ შეხედულებებთან ყველაზე ახლოს „ნაციონალური მოძრაობა“ დგას.

„ამ თემაზე ზოგადად კვლევების შესახებ პრეზიდენტს არაერთხელ გაუცია პასუხი და გაუმახვილებია ყურადღება. ეს შედეგები არის ძალიან მნიშვნელოვანი სიგნალი ყველა იმ პოლიტიკური ძალისთვის, რომლისთვისაც ქვეყნის დასავლური გზა მნიშვნელოვანია და მათი სტრატეგიული მიზანი და ამოცანა გაცხადებულია. შესაბამისად, საქართველოში ყველა პოლიტიკურმა ძალამ, რომელიც ნათლად ხედავს, რომ ქვეყნის ევროპული და ევროატლანტიკური არჩევანი ერთადერთი და შეუქცევადია, ამ იდეების პოპულარიზაციის თვალსაზრისით, უნდა გააკეთოს უფრო მეტი, უფრო გააქტიურონ მუშაობა და მოახდინონ კონსოლიდირება ამ იდეის გარშემო“, - აღნიშნა ეკა მიშველაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-მა ჯაშუშობის საქმეზე ფარული ვიდეოჩანაწერების კადრები გამოაქვეყნა

დახმარებას დაგვპირდნენ - დიუშენის სინდრომის მქონე ბავშვების მშობლები საპატრიარქოს წარმომადგენლებს შეხვდნენ

საბურთალოზე კაცი მოკლეს

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა