ადამიანის უფლება დაცვის კომიტეტის თავმჯდომარის, საპარლამენტო უმრავლესობის წევრის სოფიო კილაძის განცხადებით, წინასწარ ვერ ისაუბრებს იმის შესახებ, თუ  რა საკითხებზე გაამახვილებს პრეზიდენტი ყურადღებას პარლამენტის წინაშე ყოველწლიური მოხსენებით გამოსვლისას. თუმცა იგი იმედოვნებს, რომ პრეზიდენტის პარლამენტში გამოსვლა კონსტრუქციული იქნება.

კილაძის შეფასებით, მნიშვნელოვანია პრეზიდენტის მხრიდან ობიექტურობა შენარჩუნდეს.

„წინასწარ ვერავითარ კომენტარს ვერ გავაკეთებ, თუ რაზე ისაუბრებს პრეზიდენტი და როგორი იქნება მისი გამოსვლა. უმრავლესობის მხრიდან არის ძალიან კონსტრუქციული თანამშრომლობა შეთავაზებული და  ჩვენ ამ თანამშრომლობისთვის ღია ვართ. სახელმწიფო ხელისუფლების ორგანოებმა ერთმანეთთან ძალიან მჭიდროდ უნდა ითანამშრომლონ, წინააღმდეგ შემთხვევაში ვერ მივაღწევთ იმ მიზნებს,  რომლებიც ყველას ერთად გვაქვს. დიდი იმედი მაქვს პრეზიდენტის გამოსვლა იქნება კონსტრუქციული, თუმცა ეს არ გამორიცხავს კრიტიკულ მოსაზრებებს, მაგრამ ზოგადად ის, რომ ობიექტურობა იყოს მისი მხრიდან შენარჩუნებული, მნიშვნელოვანი იქნება“, - აღნიშნა  კილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა