„გაყოფა რა თქმა უნდა ორივე მხარისათვის წამგებიანი იქნება, მაგრამ როგორც ჩანს, ის ეტაპი დადგა, როდესაც მათ ერთად ყოფნას წამგებიანობა ურჩევნიათ“, - ამის შესახებ  ექსპერტმა პოლიტიკურ საკითხებში რამაზ საყვარელიძემ „ექსპრესნიუსს“ „ნაციონალურ მოძრაობაში“ არსებულ დაპირისპირებასთან დაკავშირებით  განუცხადა.

როგორც ექსპერტმა აღნიშნა, გაყოფის შემთხვევაში „ნაციონალური მოძრაობა“ მმართველი პარტიისთვის საფრთხე აღარ იქნება.

„ალბათ თითოეულ მხარეს დიდი ხნის გადახარშული აქვთ  ეს საკითხი, რა მოხდება მომავალში. სავარაუდოა, რომ ის ჯგუფი, რომელიც სააკაშვილს ემიჯნება, დამოუკიდებელ მოქმედებას დაიწყებს, ხოლო  ის ჯგუფი, რომელიც სააკაშვილის შენარჩუნებას ცდილობს, მისი სახელით გააგრძელებს მოღვაწეობას. პერსპექტივის მხრივ, არ მგონია, რომ უსააკაშვილო, ბოკერია-ბაქრაძის ჯგუფმა არსებითად უფრო დიდი შედეგები მიიღოს, ვიდრე იმ ჯგუფმა, რომელმაც სააკაშვილის გარეშე სცადა 2016 წლის  არჩევნებში მონაწილეობა. ცხოვრებამ უკვე გვიჩვენა, მოსახლეობას რა რეაქცია აქვს ასეთ ჯგუფებზე და ვნახეთ, რომ პაატა ბურჭულაძესთან ერთად მნიშვნელოვანი შედეგების მიღწევა ვერ შეძლეს.  ამ ჯგუფმა შეიძლება მეტნაკლებად უკეთესი შედეგი აჩვენოს, მაგრამ არსებითად ეს აღარ იქნება სახელისუფლო პარტიისთვის საფრთხე.  ანალოგიურად ალბათ, სახელისუფლო პარტიისთვის ნაკლები საფრთხე იქნება ის გუნდიც, რომელიც სააკაშვილს დაიტოვებს ლიდერად, იმიტომ, რომ თვითონ სააკაშვილი არის ძალიან ხშირად მომხრეთა დაკარგვის მიზეზი. ასე რომ ორივე მხარისთვის გაყოფა რა თქმა უნდა წამგებიანი იქნება, მაგრამ როგორც ჩანს ის ეტაპი დადგა, როდესაც მხარეებს წამგებიანობა ურჩევნიათ ვიდრე ერთად ყოფნა“, - განაცხადა  რამაზ საყვარელიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა