თბილისში რუსეთის საელჩოსთან მოქალაქეებმა ავიაკატასტროფის შედეგად დაღუპულთა ხსოვნას პატივი მიაგეს

2016-12-27 11:27:18, 782 ნახვა

საზოგადოება

თბილისში, რუსეთის საელჩოს შენობასთან, მოქალაქეებმა რუსული თვითმფრინავის ავიაკატასტროფის შედეგად დაღუპულთა ხსოვნას პატივი მიაგეს.

ათობით ადამიანმა საელჩოსთან ყვავილები და სანთლები მიიტანა. მათ მომხდარის გამო მწუხარება გამოთქვეს და გარდაცვლილთა ოჯახებს მიუსამძიმრეს.

ავიაკატასტროფასთან დაკავშირებით ასევე განცხადება გაავრცელა „საქართველოში რუსი თანამოქალაქეების ორგანიზაციის საკოორდინაციო საბჭომ“.

"უმძიმესია იმის გააზრება, რომ წინასაახალწლო პერიოდში, ანსამბლის წევრებისა, ეკიპაჟის და რუსული ჟურნალისტების ოჯახებში ასეთი უბედურება დატრიალდა. არ არსებობს ისეთი სიტყვები, რომლებიც სიმწარეს და ტკივილს გაუადვილებს ამ ადამიანებს. ყოველთვის გვემახსოვრებით მეგობრებო და ყოველთვის დარჩებიტ ჩვენს მადლიერ მეხსიარებაში", - ნათქვამია ორგანიზაციის განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან