ზემო ფონიჭალაში ახალი სკვერი მოეწყო

2016-12-26 17:00:36, 1055 ნახვა

საზოგადოება

ზემო ფონიჭალაში, მე-12 და მე-13 კორპუსების მიმდებარედ, ახალი სკვერი გაიხსნა.

კრწანისის რაიონის გამგეობის ინფორმაციით, კეთილმოწყობილი დასასვენებელი სივრცე კრწანისის გამგებელმა, გიორგი კოპალეიშვილმა, რაიონის მაჟორიტარ დეპუტატებთან, ბექა ოდიშარიასთან და ქეთი მამულაშვილთან ერთად დაათვალიერა.

მათივე ცნობით, გამგეობის დაფინანსებით, სკვერის ტერიტორიაზე მოეწყო ბილიკები და დეკორატიული განათება, დამონტაჟდა კაუჩუკის საფარიანი ორი საბავშვო მოედანი.

გამწვანების ზოლში დაირგო ახალი ნარგავები და მოწესრიგდა სკვერის გასწვრივ მდებარე ავტოსადგომი.

ახალი სკვერი თვითნებურად მოწყობილი ავტოფარეხების ადგილზე განთავსდა, რომელთა დემონტაჟი მოსახლეობასთან შეთანხმებით განხორციელდა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან