საკონსტიტუციო კომისიის თავმჯდომარის, ირაკლი კობახიძის განცხადებით, საქართველოს კონსტიტუციაში სამუდამოდ უნდა შევიდეს ისეთი ფუნდამენტალური ცვლილებები, რომელიც დროს გაუძლებს.

როგორც კობახიძემ სხდომაზე სიტყვით გამოსვლისას აღნიშნა, კონსტიტუციაში შესული ცვლილებები უნდა უზრუნველყოფდეს ქვეყნის გრძელვადიან, დემოკრატიულ განვითარებას.

„მნიშვნელოვანია, ის პროდუქტი, რომელიც შეიქმნება კომისიის მიერ და არანაკლებად მნიშვნელოვანია პროდუქტის შექმნის პროცესიც. კონსტიტუცია არის ის დოკუმენტი, რომელიც უნდა ჩამოყალიბდეს კონსესუსის საფუძველზე. შესაბამისად, მნიშვნელოვანია, რომ ეს კონსესუსი კომისიის ფორმატში იყოს მიღწეული. ჩემი აზრით, არსებობს რესურსი, რომ ქვეყნის ძირითადი კანონი გადამუშავდეს და მივიღოთ ისეთი დოკუმენტი, რომელიც ფართო სპექტრისთვის იქნება მისაღები“, - განაცხადა კობახიძემ.

კომისიის თავმჯდომარემ სხდომაზე დამსწრე წევრებს პროცესში ჩართულობისთვის მადლობა გადაუხადა და აღნიშნა, რომ ყველა მიმართულების სუბიექტი კონსტიტუციაზე მუშაობის პროცესში ჩართულია.

„პროცესში ჩართულია ყველა მიმართულების სუბიექტი, რომელიც საქართველოში ჯანსაღი კონსტიტუციის არსებობით არის დაინტერესებული“,- აღნიშნა პარლამენტის თავმჯდომარემ.

მან მწუხარება გამოთქვა, რომ პრეზიდენტის ადმინისტრაციის მხრიდან ამ ეტაპზე კომისიაში მუშაობაზე უარია მიღებული.

„ეს გადაწყვეტილება უახლოეს მომავალში, კონსულტაციების ფარგლებში გადაიხედება და უზრუნველყოფილი იქნება ამ კონსტიტუციური ორგანოს ჩართულობა კომისიის მუშაობაში“, - განაცხადა ირაკლი კობახიძემ.

ცნობისთვის, სახელმწიფო საკონსტიტუციო კომისიის პირველი სხდომა მიმდინარეობს. სხდომას საპარლამენტო უმრავლესობისა და უმცირესობის, ასევე არასამთავრობო ორგანიზაციების წარმომადგენლები და ექსპერტები ესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა