ენერგეტიკის მინისტრ კახი კალაძის განცხადებით, საქართველოში ახალი ჰიდროელექტროსადგური აშენდება. 

კახი კალაძემ და "ანადოლუ ჯგუფის" დამფუძნებელმა თუღბან იზზეთ აქსოიმ "ხელედულა-3" ჰიდროელექტროსადგურის მშენებლობის შესახებ მემორანდუმს ხელი მოაწერეს.

პროექტის განხორციელება საქართველოს მთავრობასთან 2015 წლის მაისში გაფორმებული ურთიერთგაგების მემერანდუმის საფუძველზე იგეგმება.

მემორანდუმის თანახმად, კომპანიას ეკისრება ვალდებულება გამომუშავებული ელექტროენერგიის ნაწილი ენერგოდეფიციტის პერიოდში ადგილობრივ ბაზარზე რეალიზდეს.

"ეს მართლაც მნიშვნელოვანი დღეა, რადგან ხელი მოეწერა ახალი ჰიდროელექტროსადგურის მშენებლობის დაწყებას. ეს არის 50 მეგავატის სიმძლავრის ხელედულა, დაახლოებით 100 მილიონი დოლარი დაიხარჯება. მას განახორციელებს თურქული კომპანია. ეს არის კომპანია, რომელმაც რამდენიმე ხნის წინ დაახრულა ფარავანის ჰიდროელექტროსადგური. მე მივესალმები ასეთი მნიშვნელობის პროექტების განხორციელებას ქვეყანაში. ეს ხელს უწყობს როგორც ეკონომიკის წინ სვლას, ასევე ჩვენ გვექნება საკუთარი ელექტროენერგია", - განაცხადა კახა კალაძემ.

ცნობისთვის, "ხელედულა-3" ჰიდროსადგურის მშენებლობა იგეგმება რაჭა-ლეჩხუმი-ქვემო სვანეთის რეგიონში, ლენტეხის მუნიციპალიტეტში, მდინარე ხელედულაზე. ჰესის დადგმული სიმძლავრეა 50.77 მგვტ-ია, ხოლო პროექტის ჯამური საინვესტიციო მოცულობა 90 მლნ აშშ დოლარს უტოლდება. საპროექტო ჰესის ელექტროენერგიის საშუალო წლიური გამომუშავება იქნება 250 მვტ/სთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს