წინანდალში ქმარმა ახალგაზრდა ცოლი თოფით მოკლა

2016-12-09 22:00:23, 2318 ნახვა

საზოგადოება

წინანდალში ქმარმა ახალგაზრდა ცოლი თოფით მოკლა, - ამის შესახებ ინფორმაციას "რუსთავი 2"-ი ავრცელებს.

ტელეკომპანიის ინფორმაციით, მკვლელობა სოფელში დაახლოებით ერთი საათის წინ მოხდა.

ადგილობრივების ინფორმაციით, 33 წლის ქალს სასიკვდილო ჭრილობა ქმარმა თავის არეში მიაყენა. დაჭრილი თელავის რეფერალურ საავადმყოფოში მიყვანამდე გარდაიცვალა.

გავრცელებული ინფორმაციით, მკვლელობის მიზეზი ეჭვიანობა გახდა, რასაც წინ ცოლ-ქმარს შორის სიტყვიერი დაპირისპირება უძღოდა.

შემთხვევის ადგილზე სამართალდამცავები და ექსპერტ-კრიმინალისტები არიან მობილიზებული. შინაგან საქმეთა სამინისტრო მომხდარ ფაქტზე ინფორმაციას მოგვიანებით გაავრცელებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან