2016-12-08 16:40:31, 2599 ნახვა
სამართალი
სასამართლომ დავით გერლიანი გაათავისუფლა
ე.წ. „კანონიერი ქურდობის“ ბრალდებით დაკავებული დავით გერლიანი-ჩაჩიბაია სასამართლომ გაათავისუფლა. მოსამართლემ ის „კანონიერი ქურდობის“ ბრალდების ნაწილში გაამართლა, ხოლო საზღვრის უკანონოდ გადაკვეთის მცდელობაში დამნაშავედ ცნო და 15 000 ლარიანი გირაოს გადახდა დააკისრა. თუმცა, სასამართლომ გაითვალისწინა გარემოება, რომ გერლიანი წინასწარ პატიმრობაში იმყოფებოდა და მას ეს თანხა 6 500 ლარამდე შეუმცირა.
შეგახსენებთ, დავით გერლიანი ოდესაში ერთ-ერთ რესტორანში დააკავეს და როგორც თავად ამბობს, საქართველოში გამოუშვეს, თუმცა იგი თბილისის აეროპორტში არ დაუკავებიათ.
გერლიანი საქართველო-სომხეთის საზღვრის გადაკვეთის მცდელობისას აიყვანეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
