სოფიო კილაძე: დარწმუნებული ვარ, ძალიან მალე გვექნება შესაძლებლობა, ევროკავშირის წევრ ქვეყნებში უვიზოდ შევიდეთ

2016-12-08 10:41:56, 1002 ნახვა

პოლიტიკა

ადამიანის უფლებათა დაცვის კომიტეტის თავმჯდომარე სოფო კილაძე ვიზალიბიერალიზაციასთან დაკავშირებით, შეჩერების მექანიზმზე შეთანხმებას გამოეხმაურა.

კილაძე დარწმუნებულია, რომ ძალიან მალე, საქართველოს მოქალაქეები ევროკავშირის წევრ ქვეყნებში უვიზოდ მიმოსვლას შეძლებენ.

„ძალიან დიდი იმედით ვუყურებ იმ განცხადებებს, რომლებიც გაკეთდა ევროკავშირის ძალიან მაღალი დონიდან. დარმწმუნებული ვარ, მალე საქართველოს თითოეულ მოქალაქეს ექნება შესაძლებლობა, უვიზოდ შევიდეს ევროკავშირის წევრ ქვეყნებში“, - აღნიშნა კილაძემ.

ცნობისთვის, გუშინ, ევროკავშირის საბჭომ და ევროპარლამენტმა შეჩერების მექანიზმის თაობაზე შეთანხმებას მიაღწიეს.

შეგახსენებთ, ევროსაბჭოს მიერ მიღებული გადაწყვეტილების თანახმად, ვიზალიბერალიზაცია ძალაში შეჩერების მექანიზმის ამოქმედების პარალელურად შევა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან