2016-11-26 23:00:32, 766 ნახვა

---

მთავრობის შემადგენლობისთვის ნდობის გამოცხადების შესახებ დადგენილება პრეზიდენტის ადმინისტრაციას დღესვე გადაეგზავნება

თავრობის შემადგენლობისთვის ნდობის გამოცხადების შესახებ პარლამენტის დადგენილება პრეზიდენტის ადმინისტრაციას დღესვე გადაეგზავნება, - ამის შესახებ პარლამენტის თავმჯდომარემ ირაკლი კობახიძემ კენჭისყრის დასრულების შემდეგ განაცხადა.

ირაკლი კობახიძემ შესაბამის დადგენილებას ხელი უკვე მოაწერა. 

კონსტიტუციის თანახმად, მთავრობის შემადგენლობისათვის ნდობის გამოცხადებიდან 2 დღის ვადაში პრეზიდენტი პრემიერ-მინისტრს დანიშნავს, პრემიერ-მინისტრი კი, ასევე 2 დღის ვადაში დანიშნავს მინისტრთა კაბინეტის წევრებს.

ცნობისთვის, მე-9 მოწვევის პარლამენტმა მთავრობის განახლებულ შემადგენლობას და სამთავრობო პროგრამას ნდობა გამოუცხადა. მინისტთა კაბინეტს მხარი 110 დეპუტატმა დაუჭირა, მის წინააღმდეგ კი ხმა 19 პარლამენტის წევრმა მისცა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი