საქართველოს პრემიერ-მინისტრობის კანდიდატის გიორგი კვირიკაშვილის განცხადებით, 2017 წლის ბიუჯეტში პენსიის ზრდა გათვალისწინებული არ არის და ეს არც დაუმალიათ.

კვირიკაშვილის განმარტებით, ახალი საპენსიო სისტემა 2018 წლიდან ჩაირთვება. კვირიკაშვილი ამბობს, რომ წინასაარჩევნო პერიოდში არარეალისტური დაპირებებისგან თავი შეიკავეს:

 „ბატონო, ზურაბ, რატომღაც გვაშინებთ თქვენი შეკითხვით და მე სრულიად გულწრფელად გეტყვით, რომ ჩვენ 2017 წლის  ბიუჯეტით პენსიების ზრდას არ ვაპირებთ. არაფერი დამალული ამაში არ არის და არც ტყუილის თქმას არ ვაპირებთ დღეს.2018 წლიდან, როდესაც ჩაირთვება ახალი საპენსიო სისტემა, იქნება შესაბამისი ინდექსაციის სისტემა, რომელიც შესაბამისობაში  მოიყვანს პენსიას იმ ინფლაციის მაჩვენებლებთან, რომლებიც გვექნება, არაფერი დამალული ამაში არაა, ჩვენ წინაასაარჩევნო პერიოდშიც თავი შევიკავეთ არარეალისტური დაპირებებისაგან“,-აღნიშნა გიორგი კვირიკაშვილმა უმცირესობის დეპუტატ ზურაბ ჭიაბერაშვილის კითხვაზე საპასუხოდ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა