ფრაქცია „საქართველოს პატრიოტების“ სხდომაზე, ფრაქციის წევრმა, ვიცე-სპიკერმა ირმა ინაშვილმა კულტურისა და ძეგლთა დაცვის მინისტრობის კანდიდატი მიხეილ გიორგაძე მწვავედ გააკრიტიკა. ინაშვილმა  მიხეილ გიორგაძეს პირობა მისცა, რომ  საყდრისის აფეთქებასთან დაკავშირებით, პასუხს აგებინებს:

„ვის არ ვუჭერთ ჩვენ მხარს, ეს არის კულტურის მინისტრობის კანდიდატი ბატონი მიხეილ გიორგაძე. მან იცის ჩემი პოზიცია. მთავარი თემა, რაზეც ჩვენ ვსაუბრობთ, საყდრისთან დაკავშირებული პროცესები და მოვლენებია, მართალია გიორგაძე თვლის, რომ სწორად მოიქცა და შემაშფოთებელია თქვენი განცხადება, რომ არ ნანობთ, რომ ხელი მოაწერეთ მაშინ იმ ბრძანებულებას და დღესაც დაუშვებდით მის აფეთქებას.თქვენი ბრძანებულებით, რომლის თანახმადაც, მოუხსენით კულტურული მემკვიდრეობის ძეგლის სტატუსი საყდრისს, მეორე დღეს აფეთქდა საყდრისი, დაუშვით ამ ძეგლის განადგურება. არ დაგისვამთ კითხვას-გრძნობთ თუ არა პასუხისმგებლობას იმიტომ, რ ომ თქვენი განცხადებებიდან კარგად ჩანს, რომ თქვენ ამ პასუხისმგებლობას არ და ვერ გრძნობთ, ამიტომ ერთადერთი რამის დაპირება შემიძლია ამ სიმაღლიდან,  ისე, მერჩივნა ქვედა იარუსზე ვმჯდარიყავი, უფრო თავისუფლად ვისაუბრებდი,  გარწმუნებთ, რომ ერთ მშვენიერ დღეს თქვენ აგებთ პასუხს საყდრისის დანგრევის გამო და როცა ციხეში მოხვდებით,  ბატონო მიშა, მაშინ ბევრი დრო გექნებათ იფიქროთ, სწორად მოიქეცით, თუ არა, როცა იმ ბრძანებულებას მოაწერეთ ხელი.
ყველასათვის კარგადაა ცნობილი, რა განუკითხაობაა საქართველოს მუზეუმებსა და საცავებში. დაიტბორა ხელოვნების მუზეუმი. ფიქრობთ იმაზე, რომ ნადგურდება საცავები? უნიკალური ნივთები, ექსპონატები და ეს განადგურების პროცესი თითქმის ყველა საცავში მიდის? ასევე არაა დაცული არქეოლოგიური ბაზები საქართველოს მასშტაბით. დაინტერესდით ამით?სტატისტიკა გაქვთ საერთოდ მუზეუმები როგორ იძარცვება და რა ხდება ამ სფეროში?“,-მიმართა ირმა ინაშვილმა მიხეილ გიორგაძეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა