„ერთიანი ნაციონალური მოძრაობის“ წევრს ზურაბ ჭიაბერაშვილს ეკონომიკური ბლოკის მინისტრობის კანდიდატებთან  კითხვები აქვს. მას აინტერესებს, რა არის მიზეზი იმისა, რომ საქართველოს ეკონომიკური ზრდა  შეჩერებულია. ზურაბ ჭიაბერაშვილმა საკომიტეტო მოსმენაზე სავალუტო ფონდის პროგნოზებზე ისაუბრა:

„იმ რიხიან პრეზენტაციებს, რაც აქ მოვისმინეთ, დღეს სავალუტო ფონდმა გადაასხა ცივი წყალი იმის გამო, რომ წლევანდელი ეკონომიკური ზრდა დაიყვანა 3.4. %-დან 2.7 % და ასევე შეამცირა პროგნოზი მომავლი წლისთვის, რომ 5-ის ნაცვლად,  4 % იქნება ზრდა.ალბათ ყველა ეკონომიკური ბლოკიდან გასცემს  პასუხს კითხვას, თუ რა არის მიზეზი იმისა, რომ საქართველოს ეკონომიკური ზრდა  შეჩერებულია და ძალიან პესიმისტური სცენარი აქვს სავალუტო ფონდს“,-განაცხადა ზურაბ ჭიაბერაშვილმა.

საერთაშორისო სავალუტო ფონდმა საქართველოს ეკონომიკური ზრდის პროგნოზი შეამცირა, - ამის შესახებ ინფორმაციას ორგანიზაციის ოფიციალურ ვებგვერდზეა გამოქვეყნებული.

აღნიშნული ინფორმაციის თანახმად, 2016 წელს მშპ-ს რეალური ზრდა 2,7%  იქნება,  ინფლაციის დონე კი 2%, 2017 წლის ეკონომიკური ზრდის განახლებული პროგნოზი 4%-ია. საერთაშორისო სავალუტო ფონდის მიერ გამოქვეყნებული წინა ანგარიშის მიხედვით, 2016 წელს საქართველოს ეკონომიკური ზრდის პროგნოზი 3,4% იყო, 2017 წელს კი 5,2%.

ცნობისთვის, საერთაშორისო სავალუტო ფონდის წარმომადგენლებმა საქართველოში ერთკვირიანი ვიზიტი 22 ნოემბერს დაასრულეს. ვიზიტის დასრულებისას კი ფონდის მისიამ განახლებული პროგნოზი გამოაქვეყნა.

“შენებული გლობალური ზრდის  კონტექსტში, საქართელოს ეკონომიკამ აჩვენა მდგრადობა და განაგრძობს გარე შოკის შემდეგ აღდგენას, თუმცა უფრო დაბალი ტემპებით, ვიდრე აქამდე იყო ნავარაუდევი. მშპ-ს რეალური ზრდა 2016 წლისთვის ახლა შეფასებულია 2,7%-ით, 2-იანი ინფლაციის საშუალო მაჩვენებლით. 2017 წლისთვის, ეკონომიკური ზრდის პროგნოზი ინვესტიციების მხარდაჭერით 4%-მდე გაიზრდება , ინფლაციის დონე კი 3%-ია მოსალოდნელი”, - ნათქვამია საერთაშორისო სავალუტო ფონდის ანგარიშში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა