არც ერთ ხელისუფლებას ჩვენი დამოუკიდებლობის პერიოდში არ გასვლია მედიასთან ასეთი დამოკიდებულება და ზუსტად ასე დასრულდება რუსთავი2-ის საქმეც, - ამის შესახებ "ნაციონალური მოძრაობის" წევრმა ელენე ხოშტარიამ გადაცემა "არჩევანში" განაცხადა, რომელმაც აქვე აღნიშნა, რომ "ეს ძალიან მძიმე შედეგით დასრულდება ხელისუფლებისთვის".

ელენე ხოშტარია ქვეყანაში მიმდინარე პროცესებზე პასუხისმგებლობას ბიძინა ივანიშვილს აკისრებს და ამბობს, რომ ყველა ინსტანციას, რაზეც ქვეყნის დემოკრატია დგას, კონტროლს ივანიშვილი ამყარებს. მისივე განცხადებით, ბიძინა ივანიშვილი მიზანმიმართულად ანგრევს ყველა იმ მექანიზმს, რომელზეც დგას დემოკრატია.

„4 წლის განმავლობაში ბიძინა ივანიშვილი, რომელიც გაექცა საზოგადოების წინაშე ყოველგვარ პასუხისმგებლობას და რომელსაც გააჩნია განუსაზღვრელი ფინანსური რესურსი და ახლა უკვე პოლიტიკური რესურსიც, მიზანმიმართულად ანგრევს ყველა იმ მექანიზმს, რომელზეც დგას დემოკრატია. ყველა კონტროლის მექანიზმი იმისთვის, რომ ძალა არ იყოს კონსოლიდირებული ერთ ხელში და არსებობდა ბალანსი, ყველაფერს ანგრევს,“ - განაცხადა ხოშტარიამ.

შეგახსენებთ, საქართველოს უზენაესი სასამართლოს კოლეგიამ რუსთავი2-ის საქმეზე გადაწყვეტილება დღეს მიიღო. მოსამართლეთა კოლეგიის გადაწყვეტილებით, საქმე განსახილველად უზენაესი სასამართლოს დიდ პალატას გადაეცა.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს