იგეგმება მედიაწმენდა, - ამის შესახებ ჟურნალისტმა ინგა გრიგოლიამ გადაცემა "არჩევანში" განაცხადა, რომელმაც აქვე აღნიშნა, რომ საკადრო გადაადგილებები ერთი ტელეკომპანიიდან მეორე ტელეკომპანიაში კადრების გადაყვანა ე.წ. სამთავრობო მედიასაშუალებებში მოხდება. 

"რუსთავი 2"-ის ეთერში გრიგოლიამ განაცხადა, რომ საზოგადოებრივი მაუწყებლის გენერალური დირექტორის თანამდებობიდან გადადგომა უცნაური მოვლენაა, რადგან, გიორგი ბარათაშვილმა სასამართლოში 2-ჯერ მოიგო დავა, რომ ყოფილიყო საზმაუს გენერალური დირექტორი.

"უცებ გაირკვა, რომ ადამიანი, რომელმაც სასამართლოთი დაიბრუნა თავისი თანამდებობა, უცებ იღვიძებს და ვადაზე 2 წლით ადრე ტოვებს თანამდებობას. იმიტომ წავიდა, რომ მას უთხრეს, რომ უნდა წასულიყო," - განაცხადა გრიგოლია. 

გრიგოლია "რუსთავი 2"-ის გარშემო მიმდინარე პროცესებსაც გამოეხმაურა და განაცხადა, რომ ეს ყველაფერი "ცირკს ჰგავს". გრიგოლიამ აქვე დასძინა, რომ თუ პროცესები არასწორად წარიმართება, ეს ვითარება ქვეყანაზე ცუდ გავლენას მოახდენს. 

"რუსთავი2 იმით არის გამორჩეული სხვა არხებიდან, რომ დღეს ყველაზე რეიტინგული არხია. ამის აღიარება უჭირთ ჩემს კოლეგებს. მნიშვნელოვანია, არსებობდეს ასეთი კრიტიკული ტელევიზია, თუნდაც რომ რომელიმე პოლიტიკური პარტიის მიმართ იყოს მიკერძოებული, წინააღმდეგ შემთხვევაში ყველა ერთ ხმაზე იმღერებს. იქნება სტუმრების სია და ამბები ერთნაირი. ხვალ რომ ვიღაცას დახმარებას მოუხსნიან, ვიღაც სკოლაში შვილს ვერ წაიყვანს, სივრცე აღარ დარჩება, რომ ეს გაშუქდეს," - განაცხადა ინგა გრიგოლიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს