ცენტრალური საარჩევნო კომისიის თავმჯდომარემ თამარ ჟვანიამ პარლამენტს დასამტკიცებლად პარლამენტის დროებითი ხმის დამთვლელი კომისიის 11 წევრისა და პარლამენტის დროებითი სამანდატო კომისიის 17 წევრის კანდიდატურები წარუდგინა.

ჟვანიას განცხადებით, პარლამენტში არჩეულ პოლიტიკურ ძალებთან წინასწარი კონსულტაციების შედეგად, არჩევნების შედეგების პროპორციულობის პრინციპის დაცვით, კომისიის წევრობისთვის შემდეგი კანდიდატები შეირჩნენ-დროებითი ხმის დამთვლელი კომისია 11 კაცის შემადგენლობით: „ქართული ოცნებიდან“-გენადი მარგველაშვილი, გიორგი ბეგაძე, ვანო ზარდიაშვილი, დიმიტრი ცქიტიშვილი, სოფიო კილაძე, თეიმურაზ კოხრეიძე, ბექა ნაცვლიშვილი. „ერთიანი ნაციონალური მოძრაობიდან“-აკაკი ბობოხიძე, გიორგი ტუღუში, თინათინ ბოკუჩავა. „საქართველოს პატრიოტთა ალიანსიდან“-ადა მარშანია.

რაც შეეხება დროებით სამანდატო კომისიას, 17 წევრის შემადგენლობით-„ქართული ოცნებიდან“-გიორგი კახიანი, გურამ მაჭარაშვილი, შალვა კიკნაველიძე, გიგა ბუკია, ოთარ ჩრდილელი, რუსლან პოღოსიანი, ნინო გოგუაძე, ლევან კობერიძე, დავით სონღულაშვილი, კობა ლურსმანაშვილი, ირაკლი მეზურნიშვილი. ნაციონალური მოძრაობა-ხათუნა გოგორიშვილი, ზურაბ ჭიაბერაშვილი, ოთარ კახიძე, ირმა ნადირაშვილი.

პატრიოტთა ალიანსიდან-გიორგი ლომია.  ასევე, პარლამენტის დამოუკიდებელი წევრი სალომე ზურაბიშვილი. მე-9 მოწვევის პარლამენტი მათ კანდიდატურებს კენჭს ამწუთებში უყრის.

„ჩემთვის დიდი პატივია, წარვდგე იმ ადამიანების წინაშე, რომელთაც საქართველოს მოქალაქეებმა გადასცეს ხმა და მიანიჭეს მანდატი, რომ განახორციელონ ხელისუფლება ქვეყნის უმაღლეს საკანონმდებლო ორგანოში“,-აღნიშნა სიტყვით გამოსვლისას ცესკო-ს თავმჯდომარე თამარ ჟვანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სომხეთში მიმდინარე საპარლამენტო არჩევნებში ყოველთა სომეხთა კათოლიკოსმა ხმა მისცა

შინაგან საქმეთა სამინისტრო: გორში მომხდარ ცემაში მონაწილე პოლიციელები საქართველოდან არ წასულან.

გავრილოვის ღამის წლისთავთან დაკავშირებით, თბილისში საპროტესტო მსვლელობა გაიმართება

კანადის მოქალაქეს ყურადღების დეფიციტისა და ჰიპერაქტიურობის სამკურნალო პრეპარატის მიღების გამო 20 წლამდე თავისუფლების აღკვეთა ემუქრება