2016-11-02 13:12:02, 593 ნახვა

---

ნატოს შესახებ საინფორმაციო ცენტრსა და განვითარებისა და დემოკრატიის ცენტრს შორის მემორანდუმი გააფორმდა

ნატოსა და ევროკავშირის შესახებ საინფორმაციო ცენტრმა და განვითარებისა და დემოკრატიის ცენტრმა (CDD) თანამშრომლობის მემორანდუმი გააფორმეს.

დოკუმენტს ხელი CDD-ს თავმჯდომარე მიხეილ მირზიაშვილმა და საინფორმაციო ცენტრის დირექტორმა ქეთი ჩაჩავამ მოაწერეს.

 მემორანდუმი საქართველოს ნატოსა და ევროკავშირში ინტეგრაციის შესახებ საზოგადოების ინფორმირებასა და ერთობლივი პროექტების საშუალებით ამ პროცესში მათ ჩართვას ითვალისწინებს.

„ჩვენთვის ძალიან სასიხარულოა, რომ ისეთ პარტნიორს იძენს  ნატოსა და ვეროკავშირის შესახებ საინფორმაციო ცენტრი, როგორიც არის განვითარებისა და დემოკრატიის ცენტრი.ძალიან მნიშვნელოვანია ის ერთობლივი პროექტები,  რომლებზეც  წლებია ვმუშაობთ და დღეს უკვე ამას ოფიციალურად მივეცით სახე  მემორანდუმის ფარგლებში. მნიშვნელოვანია ის გამოცდილება, რომელიც ორგანიზაციას დაუგროვდა სასულიერო პირებთან  ურთიერთობის გზაზე.ამ შემთხვევაში გვაქვს 2 კონკრეტული პეოექტი და ეს მემორანდუმი კიდევ უფრო გააძლიერებს თანამშრომლობას და პარტნიორობას იმისათვის, რომ უფრო მეტად ინფორმირებული საზოგადოების უზრუნველყოფა მოვახერხოთ. ძალიან მნიშვნელოვანია ჩვენი საზოგადოების ინფორმირება იმ კონკრეტულ სიკეთეებზე, თუ რას ნიშნავს საქართველოსთვის ევროკავშირთან  და ნატოსთან ურთიერთობა. ამისათვის ძალიან მნიშვნელოვანია ჩვენი სასულიერო პირების ჩართულობა. ჩვენ ვმუშაობთ როგორც მართლმამდიდებლური ეკლესიების წარმომადგენლებთან, ისე სხვადასხვა რელიგიური ორგანიზაციების წარმომადგენლებთან. გვაქვს მნიშვნელოვანი ინიციატივები“,-განაცხადა ქეთევან ჩაჩავამ.

მიხეილ მირზიაშვილის განმარტებით,  უახლოეს მომავალში  ბრიუსელში სასწავლო ვიზიტია დაგეგმილი და მასში მონაწილეობას მიიღებენ როგორც  საპატრიარქოს, ისე   სხვადასხვა ორგანიზაციის წარმომადგენლები:

„მზიანია ის, რომ საქართველოს სასულიერო პირებმა უფრო მეტი შეიტყონ  ნატო-სა და ევროკავშირის შესახებ. დემოკრატიისა და და განვითარების ცენტრი და საინფორმაციო ცენტრი ნატო-სა და ევროკავშირის შესახებ დიდი ხანია თანამშრომლობენ. თანამშრომლობენ საზოგადოების ინფორმირების საკითხებში. როგორც ნატო-ს თემებზე, ისე ევვროკავშირის თემებზე. ეს მემორანდუმი გარკვეულწილად  ამ თანამშრომლობის ფორმალიზებას ახდენს“,-აღნიშნა  მიზეილ მირზიაშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი