ჩვენს ხელთ არსებული წინასწარი მონაცემებით, პრაქტიკულარ ყველა საარჩევნო ოლქში პარტია „ქართული ოცნება - დემოკრატიული საქართველოს“ კანდიდატები ლიდერობენ, - ამის შესახებ „ქართული ოცნების“ საარჩევნო შტაბის უფროსმა კახა კალაძემ ბრიფინგზე განაცხადა.

როგორც კალაძემ აღნიშნა, არჩევნებმა თავისუფალ, სამართლიან და კონკურენტულ გარემოში ჩაიარა, სადაც ამომრჩეველს საშუალება ჰქონდა საკუთარი არჩევანი გაეკეთებინა.

„მადლობას ვუხდით ამომრჩეველს აქტიურობისთვის და მაღალი მოქალაქეობრივი პასუხისმგებლობისთვის. საქართველოში არჩევნები შედგა და საქართველოს მოსახლეობის უდიდესმა ნაწილმა ნდობა გამოუცხადა „ქართულ ოცნებას“. საზოგადოების მიერ გამოცხადებული უდიდესი ნდობა გვაკისრებს უდიდეს პასუხისმგებლობას. ჩვენ მზად ვართ, განახლებული ენერგიით, განვაგრძოთ ყველა იმ გეგმის განხორციელება, რომელიც სწრაფი განვითარების გზით ჩვენი ქვეყნის მოსახლეობას კეთილდღეობას მოუტანს“, - განაცხადა კალაძემ.

კახი კალაძემ საქართველოს მოსახლეობას 2016 წლის საპარლამენტო არჩევნების ჩატარება მიულოცა და აღნიშნა, რომ დღევანდელი დღე იყო კიდევ ერთი წინ გადადგმული ნაბიჯი ქვეყანაში დემოკრატიული განვითარების გზაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა

ბრიანსკში საცხოვრებელ შენობებზე დრონის შეჯახების შედეგად 13 ადამიანი დაშავდა

მოსკოვმა 9 მაისს კიევზე თავდასხმით დაიმუქრა და სხვა ქვეყნებს საელჩოების ევაკუაციისკენ მოუწოდა