2016-10-30 18:50:59, 551 ნახვა

---

საია: გუშინ და დღეს ამომრჩევლებს ტელეფონებზე, მმართველი პარტიის მხარდამჭერ მოკლე ტექსტურ შეტყობინებებს უგზავნიდნენ

გუშინ და დღეს ამომრჩევლებს ტელეფონებზე უგზავნიან მმართველი პარტიის მხარდამჭერ მოკლე ტექსტურ შეტყობინებებს, - ამის შესახებ საია-ს თავმჯდომარემ ანა ნაცვლიშვილმა ბრიფინგზე განაცხადა.

როგორც ნაცვლიშვილმა აღნიშნა, ეს მნიშვნელოვანი საკითხია, რომელიც უნდა გამოიკვლიონ.

„ერთის მხრივ აქ შეიძლება ადგილი ჰქონდეს პერსონალური მონაცემების არასათანადოდ დამუშავებას და მეორეს მხრივ მნიშვნელოვანია, რომ აუდიტის სამსახურმა ყურადღება მიაქციოს, ამ სმს-ების გაგზავნის ფინანსურ ნაწილს და შეამოწმოს რამდენად სწორად და კანონიერად ხდება აღნიშნული მოქმედებები“, - განაცხადა ანა ნაცვლიშვილმა.

მისივე ინფორმაციით, წინასაარჩევნო პერიოდში ოპოზიციური პარტიის წარმომადგენლის მხრიდანაც იყო ასეთი ტიპის სმს-ების გაგზავნის ფაქტები.

„მნიშვნელოვანია, რომ ეს ფაქტებიც იყოს შემოწმებული“, - აღნიშნა საია-ს თავმჯდომარემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი