2016-10-30 17:42:32, 552 ნახვა

---

ბოკუჩავა: შეურაცხმყოფელია ცესკო-ს განცხადება, რომ ადამიანებმა 8 ოქტომბრის არჩევნების შემდეგ მარკირება ვერ ჩამოიბანეს

„ჩვენ ვიხილეთ ცესკოს ოფიციალური განცხადება, სადაც ცესკომ განაცხადა, რომ მარკირება უბრალოდ ვერ ჩამოიშორეს, ვერ ჩამოიბანეს ადამიანებმა მთაწმინდაზე“,-ამის შესახებ „ნაციონალური მოძრაობის“ წევრმა თინათინ ბოკუჩავამ ბრიფინგზე განაცხადა.

მან ცესკო-ს სამომავლოდ უფრო ადეკვატური რეაგირებისკენ მოუწოდა.

„ჩვენ წარმოვადგინეთ ფოტომტკიცებულება კარუსელების, აბსოლუტურად საღ აზრს არის მოკლებული განცხადება, რომ სამი კვირის მანძილზე...იმიტომ რომ სამი კვირა გავიდა საპარლამენტო არჩევნების პირველი ტურის ჩატარების შემდეგ, ადამიანებმა ვერ ჩამოიბანეს და უბრალოდ გამოდის რომ ხელი არ დაუბანიათ, ეს შეურაცხმყოფელია. ეს კიდევ ერთხელ ადასტურებს იმას, რომ თუ ცესკო თავად არ არის თანამონაწილე ამ კანონდარღვევის, ყოველ შემთხვავში ისინი ძალიან დაუფარავად ცდილობენ ხელი დააფარონ ახლა უკვე ამ უკანონობას. ჩვენ მოვუწოდებთ ცესკოს სამომავლოდ უფრო ადეკვატური იყოს მათი რეაგირება ასეთი ტიპის დარღვევების დროს",-განაცხადა ბოკუჩავამ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი