„ნებისმიერი პოლიტიკური ძალისთვის საკონსტიტუციო უმრავლესობა არის სახიფათო, მაგრამ არანაირ პოლიტიკურ რჩევას არავის მივცემ“

2016-10-18 23:09:27, 704 ნახვა

პოლიტიკა

ნებისმიერი პოლიტიკური ძალისთვის საკონსტიტუციო უმრავლესობა არის სახიფათო, მაგრამ არანაირ პოლიტიკურ რჩევას არავის მივცემ, - ასე ეხმაურება "თავისუფალი დემოკრატების" ლიდერი ირაკლი ალასანია საზოგადოების ნაწილის მიმართვას, რომლის თანახმადაც, ისინი პროდასავლურ პოლიტიკურ პარტიებს მიმართავენ, თავიანთ ამომრჩევლებს არჩევნების მეორე ტურში ოპოზიციის მხარდაჭერისკენ მოუწოდონ.

ირაკლი ალასანია მიიჩნევს, რომ რეალური ცვლილების მიღწევა ოთხი წლის შემდეგ იქნება შესაძლებელი.

„ნებისმიერი პოლიტიკური ძალის, რაც არ უნდა პროგრესული იყოს ის, ასეთი საკონსტიტუციო უმრავლესობა არის სახიფათო. მაგრამ არანაირ პოლიტიკურ რჩევას არავის მივცემ. ხალხის გადასაწყვეტია, ანდობენ ასეთ ქართულ ოცნებას საკონსტიტუციო უმრავლესობას, თუ მხარს დაუჭერენ ოპოზიციურ ძალებს, რომ დააბალანსოს და გაანეიტრალოს ძალთა განაწილება. ვფიქრობ, რომ რეალური ცვლილების მიღწევა ოთხი წლის შემდეგ იქნება შესაძლებელი,“ - განაცხადა ირაკლი ალასანიამ გადაცემა "არჩევანში".

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან