თავდაცვის მინისტრ ლევან იზორიას განცხადებით, შავი ზღვის აუზის ქვეყნებთან, ახლო მომავალში კონკრეტული გეგმები განხორციელდება, - ამის შესახებ იზორიამ ბათუმში, ამერიკის სამხედრო გემ USS Mount Whitney-ზე, საქართველოსა და ამერიკის სამთავრობო დელეგატებს შორის გამართული შეხვედრის შემდეგ განაცხადა. 

როგორც მინისტრმა აღნიშნა, საქართველო შავი ზღვის აუზის ქვეყნებთან სტრატეგიულ დიალოგს იწყებს. 

„ახლო მომავალში კონკრეული გეგმები იგეგმება და ამის შესახებ მოგვიანებით შეიტყობთ“, - განაცხადა ლევან იზორიამ. 

ლევან იზორიამ ასევე, ამერიკასთან ურთიერთობასა და ამერიკის სამხედრო ხომალდ USS Mount Whitney-ზეც ისაუბრა, რომელიც მესამე დღეა ბათუმის პორტში იმყოფება.

„ეს გემი ქართულ-ამერიკული სტრატეგიული თანამშრომლობის სიმბოლოა, არა მხოლოდ სამხედრო სფეროში, არამედ ხალხთაშორის და ერთაშორის მეგობრობის სფეროში. ჩვენ განსაკუთრებული ურთიერთობა გვაქვს ჩვენს პარტნიორ ქვეყანასთან. სწორედ ეს გემი იყო, როდესაც რუსეთ-საქართველოს ომის დროს ქართველ ხალხს გვერდში დაუდგა და ჰუმანიტარული დახმარება ჩამოიტანა. ამერიკა მეგობრობის დიდ ტრადიციებს განაგრძობს. დარწმუნებული ვარ, რომ ეს ურთიერთობები კიდევ უფრო გაღრმავდება.

მინდა განსაკუთრებით ხაზგასმით ავღნიშნო ვარშავის სამიტის შემდეგ, შავი ზღვის აუზში უსაფრთხოების გაძლიერება ჩვენს ნატო-ელ პარტნიორებთან და განსაკუთრებით აშშ-სთან. ბუნებრივია, ამ კონტექტსშიც, განსაკუთრებით მნიშვნელოვანია ამ ხომალდის ვიზიტი საქართველოში“, - აღნიშნა თავდაცვის მინისტრმა.

ცნობისთვის, ამერიკული სამხედრო ხომალდი ბათუმში 12 ოქტომბერს შემოვიდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი