უსუფაშვილის აზრით, პარლამენტის საკონსტიტუციო უმრავლესობით მართვა შეცდომების დაშვების ყველაზე მარტივი გზაა

2016-10-10 13:44:33, 727 ნახვა

პოლიტიკა

საქართველოს პარლამენტის თავმჯდომარე, დავით უსუფაშვილი მიიჩნევს, რომ პარლამენტის საკონსტიტუციო უმრავლესობით მართვა შეცდომების დაშვების ყველაზე მარტივი გზაა.

მისივე თქმით, არ იცის ევროპაში ქვეყანა, სადაც კონსტიტუციური უმრავლესობა წარმატებულიიყო:

"საკონსტიტუციო უმრავლესობით მართვა კი არ არის რთული, შეცდომების დაშვებაა ადვილი. ეს ძალიან ხშირად მომხდარა ჩვენს რეალობაში. კომუნისტური პარტიიდან მოყოლებული ჩვენს ცხოვრებაში ვნახეთ, რომ საკონსტიტუციო უმრავლესობა ეს არის შეცდომების ყველაზე უფრო ადვილად დაშვების შესაძლებლობა, მაშინ, როდესაც ადამიანებს უვითარდებათ განცდა, რომ მათ უკვე ყველაფერი იციან და ასე უფრო მარტივია ყველაფრის კეთება და უშვებენ შეცეომებს.

ეს არის სახიფათო და ამაზე მეტყველებს ჩვენი ისტორია. მაშინ არის მთავრობა უფრო წარმატებული, როდესაც 90%-ს აკონტროლებს პარლამენტში, თუ მაშინ, როდესაც მას საშუალება აქვს ჩაატაროს კონსულტაციები და კონსენსუსები ქვეყნის ყველა პოლიტიკურ ძალასთან და ისე მიიღოს გადაწყვეტილებები. ევროპაში ერთ ქვეყანას მაინც თუ მანახებთ, სადაც იყო წარმატებული კონსტიტუციური უმრავლესობა, მეც შეიძლება შევიცვალო აზრი.

კარგად მესმის დღევანდელი აღტკინება, რასაც ვხედავ ჩემს კოლეგებში, თუ "ქართული ოცნების" წარმომადგენლებში სიამაყით ამბობენ, იცით, ეს ჩვენ გვექნება, თითქოს ჩვენ ამით ევერესტზე ავედითო. ევერესტზე ასვლა მთავარი არ არის, იქიდან ცამოსვლაც აუცილებელია დაუზიანებლად",- განაცხადა დავით უსუფაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან