ეს უკვე საგანგაშო ვითარებაა, - ასე აფასებს "ნაციონალური მოძრაობის" წევრი გიგა ბოკერია სხვადასხვა საარჩევნო უბნებზე არსებულ დაღვევებს და ინციდენტებს.

რეგიონში საარჩევნო უბნებზე მიმდინარე პროცესებთან დაკავშირებით რამდენიმე წუთის წინ საგანგებო განცხადება გაკეთდა "ნაციონალური მოძრაობის" ოფისში.

როგორც პარტიის წარმომადგენლები ამბობენ, იმ უბნებზე, სადაც "ნაციონალური მოძრაობა" დიდი უპირატესობით ლიდერობს, ხდება სხვადასხვა სახის ინციდენტები და მათი თქმით, ეს ხდება იმის გამო, რომ საარჩევნო კომისიის წევრებს ხელი შეუშალონ, რეალურად დათვალონ საარჩევნო მონაცემები.

პარტია მოუწოდებს პრემიერ კვირიკაშვილს, უზრუნველყოს ხმების დაცვა. ისინი ასევე მიმართავენ ცესკოს თავმჯდომარეს, სასწრაფოდ დაიწყოს ოქმების ატვირთვა ცესკოს ვებგვერდზე.  

„ეს უკვე საგანგაშო ვითარებაა. ამ დროის გამოყენება და, როგორც ჩანს, ცალკე ინსტრუქციაა, რომ ადგილებზეც გაიწელოს ოქმების შეჯამება. მართლაც ცეცხლს ეთამაშება ივანიშვილი და მისი მარიონეტების გუნდი, კვირიკაშვილის მეთაურობით, დროულად მოეგონ გონს. მთავრობა არის პანიკაში. ჩვენ გვინდა ამ პროცესის მშვიდად დამთავრება, მაგრამ ამისთვის მისცენ ადამიანებს საშუალება, რომ დაითვალონ ჩვენი ამომრჩევლების ხმები. ახლა ეს ყველაფერი არის საფრთხის ქვეშ,“ - აცხადებს გიგა ბოკერია.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა