2016-10-08 17:22:25, 633 ნახვა
პოლიტიკა
ირმა ინაშვილი: ხმა მივეცი ჩვენი ქვეყნის ისეთ მომავალს, სადაც არჩევნები არ ყალბდება
„ხმა მივეცი და მხარი დავუჭირე ჩვენი ქვეყნის ისეთ მომავალს, სადაც არჩევნები არ ყალბდება, სადაც არ ხდება ის, რაც ამ წუთებში ხდება იორმუღანლოში“, - ამის შესახებ „პატრიოტთა ალიანსის“ გენერალურმა მდივანმა ირმა ინაშვილმა ხმის მიცემის შემდეგ ჟურნალისტებს განუცხადა.
მისი თქმით, ქვეყანაში არსებული სისტემა უნდა შეიცვალოს.
„მხარი დავუჭირე თავისუფალ არჩევანს, სისტემის შეცვლას ჩვენს ქვეყანაში. ის დამყაყებული სისტემა, რაც არის აქვეყანაში აუცილებლად უნდა შეიცვალოს. მე სწორედ ამ ცვლილებას დავუჭირე მხარი“, - განაცხადა ირმა ინაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
