სააკაშვილი თანამდებობიდან მის შესაძლო გადაყენებაზე: ოცნებას კაცი არ მოუკლავს

2016-10-07 13:47:19, 2408 ნახვა

მსოფლიო

სააგენტო "რუპორ ოდესის" ინფორმაციით, უკრაინის პრეზიდენტმა პეტრო პოროშენკომ მიხეილ სააკაშვილის გადაყენების განკარგულებას ხელი მოაწერა.

როგორც მედია საშუალება სანდო წყაროზე დაყრდნობით წერს, აღნიშნული განკარგულება 8 ოქტომბრის შემდეგ გამოქვეყნდება.

"ქვეყნის პრეზიდენტმა მიხეილ სააკაშვილის ოდესის გუბერნატორის პოსტიდან გადაყენების განკარგულებას ხელი მოწერა. განკარგულება 8 ოქტომბრის შემდეგ გამოქვეყნდება, მიუხედავად საქართველოს საპარლამენტო არჩევნების შედეგებისა", - ნათქვამია მედია საშუალების ინფორმაციაში.

აღნიშნულ ფაქტს, საქართველოს ყოფილი პრეზიდენტი და ოდესის ოლქის გუბერნატორი მიხეილ სააკაშვილი უკვე გამოეხმაურა.

"ოცნებას კაცი არ მოუკლავს. პრეზიდენტის ვიზიტის დროს ჩვენ ერთობლივად წარვადგენთ ჩემ სამ ახალ მოადგილეს, რომელთა შორის კემბრიჯის და პრინსტონის უნივერსიტეტის კურსდამთავრებულები არიან, ასევე ლონდონის სკოლის დამთავრებულებიც. გარდა ამისა ისინი ძალიან საინტერესო და პროფესიონალი ადამიანები არიან", - წერს ოდესის ოლქის გუბერნატორი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან