პრეზიდენტი: ყველა პოლიტიკურ ძალაში შესაძლებელია იყოს თავქარიანი ადამიანები, რომლებსაც არჩევნები მუშტი-კრივი ჰგონიათ

2016-10-02 15:26:58, 750 ნახვა

პოლიტიკა

„ყველა პოლიტიკურ ძალაში შესაძლებელია იყოს თავქარიანი ადამიანები, რომლებსაც არჩევნები მუშტი-კრივი ჰგონიათ“,-ამის შესახებ საქართველოს პრეზიდენტმა გიორგი მარგველაშვილმა ზუგდიდში მომხდარ ინციდენტთან დაკავშირებით განაცხადა.

მისივე თქმით, ის პოლიტიკოსებისგან სიტუაციის ადეკვატურ შეფასებას ელოდება.

„მე არაერთხელ აღვნიშნე, რომ ფაქტიურად ყველა პოლიტიკურ ძალაში შესაძლოა იყვნენ თავქარიანი ადამიანები, რომლებსაც მიაჩნიათ, რომ არჩევნები არის მუშტი-კრივი. ერთის მხრივ მოველი ეფექტურ და სწრაფ გამოძიებას, მაგრამ ამავე დროს, მოველი პოლიტიკოსებისგან სიტუაციის ადექვატურ შეფასებას“,-განაცხადა მარგველაშვილმა.

ცნობისთვის, „ქართული ოცნების“ ახალგაზრდული ორგანიზაციის სამი წევრი ზუგდიდის მუნუციპალიტეტის სოფელ დიდინეძში სცემეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან