„ქართული ოცნება-დემოკრატიული საქართველოს“ ზესტაფონის მაჟორიტარობის კანდიდატმა შალვა კიკნაველიძემ ამომრჩეველთან შეხვედრების მეორე ეტაპი დაასრულა.

დეპუტატი ზესტაფონის მაჟორიტარულ ოლქში შემავალი სოფლების მოსახლეობას შეხვდა და რაიონის თითოეულ მკვიდრს კარდაკარ შეხვედრის ფარგლებში გაესაუბრა. მისი განცხადებით არჩევნებამდე მოსახლეობასთან შეხვედრების მესამე ეტაპი განხორციელდება.

კანდიდატმა ამომრჩეველს ბოლო 4 წლის განმავლობაში რაიონში დასრულებული პროექტების შესახებ ინფორმაცია მიაწოდა, პირადად გაეცნო ადგილობრივების პრობლემებს და პარტიის წინასაარჩევნო პროგრამა და მთავრობის 4 პუნქტიანი გეგმა წარუდგინა.

შალვა კიკნაველიძემ ყურადღება გაამახვილა ჯანდაცვის, განათლების, ინფრასტრუქტურის, სოფლის მეურნეობის საკითხებზე. მისი განმარტებით საყოველთაო ჯანდაცვის პროგრამა ერთ-ერთი მნიშვნელოვანი და წარმატებული პროექტია. პროგრამის ფარგლებში ზესტაფონში 28 340-მა ბენეფიციარმა ისარგებლა, რაც ადგილობრივი მოსახლეობის 49%-ს შეადგენს.

„ზესტაფონში აშენდა 5 საბავშვო ბაღი და 2 საჯარო სკოლა. 17 საბავშვო ბაღს და 7 საჯარო სკოლას ჩაუტარდა რეაბილიტაცია. განხორციელდა 59 კმ. გზის რეაბილიტაცია მუნიციპალური და რეგიონალური განვითარების ფონდის ფინანსური მხარდაჭრით. ამ დროისთვის მიმდინარეობს 21 კმ გზის მშენებლობა. 300-ზე მეტი იძულებით გადაადგილებული პირი დაკმაყოფილდა საცხოვრებელი ფართით. განხორციელდა 2000-ზე მეტი აბონენტის გაზიფიცირება და უახლოეს მომავალში 3000 ოჯახი მიიღებს ბუნებრივ აირს“ - განაცხადა ზესტაფონის მაჟორიტარობის კნდიდატმა შალვა კიკნაველიძემ.

დეპუტატობის კანდიდატი ადგილობრივ მოსახლეობას უახლოეს პერიოდში ქალაქში დაწყებული საუბნო გზების მოწესრიგების, გაზიფიცირება-გამრიცხველიანების, სოფლების ადმინისტრაციულ ცენტრებში მიმავალი გზების რეაბილიტაციის პროცესის დასრულებას დაპირდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება