„ქართული ოცნების“ მაჟორიტარობის კანდიდატი რაჭა-ლეჩხუმსა და სვანეთში მოსახლეობასთან შეხვედრებს განაგრძობს. გოჩა ენუქიძე ამჯერად ქალაქ ონის მოსახლეობას შეხვდა.

მაჟორიტარობის კანდიდატმა ამომრჩევლებს წარუდგინა "ქართული ოცნების" პროგრამა და მოისმინა მათი მოსაზრებები.

„დარწმუნებული ვარ, რომ ყველა წამოწყებულ პროექტს ბოლომდე მივიყვანთ. სოციალურ, სოფლის მეურნეობის და ბიზნესის ხელშეწყობის პროექტებთან ერთად უმნიშვნელოვანესია კულტურული და საგანმანათლებლო პროექტების დაგეგმვაც, რათა ახალგაზრდები იყვნენ მეტად მოტვირებული. შემუშავდა და ამოქმედდა „მაღალმთიანი რეგიონების განვითარების შესახებ“. კანონი, რომელშიც მეც აქტიურად ვიყავი ჩართული, რაც საგრძნობლად გააუმჯობესებს სიტუაციას მთაში მცხოვრები მოსახლოებისთვის. მოსახლეობა დამატებითი სოციალური და საგადასახადო შეღავათებით ისარგებლებს. საგანმანათლებლო დაწესებულებებს, რომლებიც მდებარეობს მაღალმთიან რეგიონში, ეზრდებათ ვაუჩერული დაფინანსება; მასწავლებლებს დაუწესდათ სახელფასო დანამატი საბაზო თანამდებობრივი სარგოს არანაკლებ 35%-ის ოდენობით; სპეციალური რეგიონული პროგრამების მონაწილე მასწავლებლებს დაუწესდათ დამატებითი ანაზღაურება ხელფასის არანაკლებ 50%-ის ოდენობით; სახელმწიფო პენსიისა და სოციალური პაკეტის მიმღებ პირებს დაუწესდათ 20%-იანი დანამატი, 2017 წლის 1 სექტემბრიდან ანაზღაურდება ელექტროენერგიის ხარჯების 50%, თუ ოჯახს დახარჯული აქვს არაუმეტეს 100 კვტ საათისა თვეში. დაწესდა ყოველთვიური დანამატი ექიმებისა და ექთნებისთვის; მოსახლეობა ზამთრის პერიოდში უზრუნველყოფილი იქნება გათბობით“, - აღნიშნა ენუქიძემ.

კანდიდატმა ყურადღება გაამახვილა მცირე და საშუალო ბიზნესის განვითარების ხელშეწყობაზეც.

„მაღალმთიან დასახლებაში მუდმივად მცხოვრები პირები, რომელთა შემოსავალი არ აღემატება 6 ათას ლარს, საშემოსავლო გადასახადისგან თავისუფლდებიან; მეწარმე ფიზიკური პირები და საწარმოები თავისუფლდებიან საშემოსავლო, ქონებისა და მოგების გადასახადებისგან, 10 წლის ვადით, საკუთრებაში არსებული მიწის ნაკვეთი თავისუფლდება ქონების გადასახადისგან“, - აღნიშნა გოჩა ენუქიძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყაზახეთმა რუსეთიდან ელექტროენერგიის იმპორტის შეწყვეტის გადაწყვეტილება მიიღო

ევროპარლამენტის ანგარიშში ირაკლი ღარიბაშვილის გვარიც მოხვდა - რა წერია მასზე

თიბისი ტექსკლა - მოსწავლეებისთვის ხელოვნური ინტელექტის შესწავლის ახალი შესაძლებლობები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს