„რეგიონული განვითარების პროგრამის“ ფარგლებში,24-28 სექტემბერს  საქართველოს ეკონომიკისა და მდგრადი განვითარების სამინისტროს მეწარმეობის განვითარების სააგენტოსა და იაპონიის საერთაშორისო თანამშრომლობის სააგენტოს (JICA) ორგანიზებით,  კახეთისა და ჯავახეთის რეგიონებს JICA-ს დელეგაციისა და მეწარმეობის განვითარების სააგენტოს წარმომადგენლები სტუმრობენ.

ეკონომიკისა და მდგრადი განვითარების სამინისტროს ინფორმაციით, დაგეგმილი ვიზიტების მიზანს იაპონური მხარისთვის  საქართველოს რეგიონების პოტენციალისა და არსებული პრობლემატიკის გაცნობა, ასევე შემდგომი თანამშრომლობისთვის საჭირო ნაბიჯების განსაზღვრა  და  ბიზნესკავშირების დამყარების საკითხები წარმოადგენს. 

უწყების ინფორმაციით, პროგრამის ფარგლებში განიხილება ისეთი სამომავლო გეგმები, როგორიცაა ადამიანური რესურსების განვითარება ტურიზმისა და აგროკულტურის განხრით, ღვინის წარმოების ტექნოლოგიები და კერძო სექტორთან ურთიერთობის საკითხები. 

მნიშვნელოვანია, რომ რეგიონებში ვიზიტის განმავლობაში, ადგილობრივი მეწარმეებისთვის სამუშაო სემინარები  გაიმართება, რომელზეც განიხილება იაპონური მეთოდოლოგია და მაგალითები მეწარმეობისა და სოფლის მეურნეობის წახალისებისა და იაპონური მცირე მეღვინეობის თემებზე.  

აღსანიშნავია, რომ წინა წლის 28-31 ივლისს, რაჭისა და კახეთის რეგიონებს JCA-ს დელეგაცია და  მეწარმეობის განვითარების სააგენტოს წარმომადგენლები სტუმრობდნენ. გასული წლის ვიზიტის მსვლელობისას, ხაზი გაესვა ადგილობრივი მთავრობისა და არასამთავრობო ორგანიზაციების ხედვას აღნიშნულ საკითხებთან დაკავშირებით, ასევე, ყურადღება გამახვილდა ორგანული ფერმებისა და ბრენდირების, ექსპორტზე ორიენტირებული საქონლისა და ზოგადად პროდუქციის წარმოების მეთოდებზე. 

 ამავდროულად, იაპონური დელეგაციის წარმომადგენლებმა სხვადასხვა სამეწარმეო ობიექტიც დაათვალიერეს. კერძოდ, რაჭაში თაფლის ფერმებს, საოჯახო სასტუმროებსა და მეღვინეობას ესტუმრნენ. კახეთის რეგიონში კი ქართული ღვინითა და წამყვან მწარმოებლებთან ბიზნეს კავშირების დამყარების მიზნით დელეგაციის წევრებმა  ნაფარეულში  კახეთის ღვინის გილდია და ტყუპების საღვინე სახლი მოინახულეს. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”