დიდუბის რაიონში მიწისქვეშა კომუნიკაციები იცვლება

2016-09-15 13:16:34, 605 ნახვა

საზოგადოება

დიდუბის რაიონის გამგეობა 7 მისამართზე მოძველებული მიწისქვეშა კომუნიკაციების რეაბილიტაციას ახორციელებს.

თბილისის მერიის ინფორმაციით, რეაბილიტაციის შემდგომ, განახლდება წყალსადენისა და კანალიზაციის ყველა დიამეტრის მოძველებული ქსელი.რეაბილიტაციის განხორციელების შემდეგ, გაუმართავი მიწისქვეშა კომუნიკაციები მოსახლეობას პრობლემას აღარ შეუქმნის.

სარეაბილიტაციო სამუშაოებს ტენდერში გამარჯვებული კომპანია შ.პ.ს „გეოსერვის+“ ახორციელებს, ხოლო სამუშაოების დასრულების შემდგომ დიდუბის რაიონის გამგეობა ასფალტის ახალ საფარს დააგებს.

დიდუბის რაიონში, 22 მისამართზე უკვე განხორციელდა წყალსადენისა და კანალიზაციის ქსელების რეაბილიტაცია, რაზეც დიდუბის რაიონის გამგეობის ბიუჯეტიდან 288 673 ლარი დაიხარჯა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან