პრეზიდენტი წინასაარჩევნო პერიოდში პარტიათა შორის სამშვიდობო მემორანდუმის გაფორმების თაობაზე, პრემიერ-მინისტრის ინიციატივას  ეხმაურება. გიორგი მარგველაშვილის პოზიცია მისმა მრჩეველმა ფიქრია ჩხირაძემ გააჟღერა.

ჩიხრაძის თქმით, პრეზიდენტის ადმინისტრაცია მზადაა,  ყველანაირი რესურსი გამოიყენოს იმისათვის, რომ  მხარეებს შორის  შეთანხმება შედგეს:

"ძალიან მნიშვნელოვნად მიგვაჩნია, რომ 2016 წლის არჩევნები ჩატარდეს სამართლიან, მშვიდ, დემოკრატიულ გარემოში და მივიღოთ მართლაც ძალიან მნიშვნელოვანი საეტაპო არჩევნები ქართული სახელმწიფოსათვის. ჩვენ მზად ვართ, ამ პროცესში ჩავერთოთ, თუკი პოლიტიკურ ძალებს შორის ასეთი მზაობა იქნება და ყველანაირი რესურსი გამოვიყენოთ იმისათვის, რომ ამგვარი შეთანხმება შედგეს, რითაც მოგებული დარჩება ქართული სახელმწიფო და ქართველი ამომრჩეველი",-განაცხადა ფიქრია ჩიხრაძემ.

პრემიერის ინიციატივა კონტრაქციების ჩატარებაზე უარის თქმასა და ამ მიზნით, სამშვიდობო მემორანდუმის გაფორმებას გულისხმობს. გიორგი კვირიკაშვილის განცხადებით, კარგი იქნება,  სადაც ერთი პოლიტიკური ძალა ატარებს შეხვედრებს თავის ამომრჩევლენთან, მასთან დაპირისპირებული პოლიტიკური ძალის წარმომადგენელი იქ არ მივიდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა