ევროპულ და ევროატლანტიკურ სტრუქტურებში ინტეგრაციის საკითხებში სახელმწიფოს მინისტრის დავით ბაქრაძის განცხადებით, ნატო-ს გენერალური მდივნის საქართველოში ვიზიტი იმ მხარდაჭერის დადასტურებაა, რომელიც საქართველოს ჩრდილო ატლანტიკური ალიანსის მხრიდან გააჩნია, - ამის შესახებ ბაქრაძემ ჟურნალისტებს თბილისის საერთაშორისო აეროპორტში განუცხადა, სადაც ამ წუთებში ნატო-ს გენერალურ მდივანსა და ჩრდილო ატლანტიკური საბჭოს წევრებს ელოდებიან.

ბაქრაძის განმარტებით, ნატო საქართველოს კომისიის სხდომაზე პირველ რიგში ის კონკრეტული შედეგები განიხილება, რომელიც საქართველომ ვარშავის სამიტზე მიიღო.

„ასევე  თავდაცვის სისტემების გაძლიერებეის ის მექანიზმები განიხილება, რომლებიც ვარშავის სამიტზე შეთანხმდა და კომუნიკაციების მექანიზმები. მეორე, ეს არის საქართველოს ნატოსკენ მისწრაფება, რომელსაც ვახორციელებთ. საქართველოს გააჩნია ყველა პრაქტიკული ინსტრუმენტი იმისათვის, რომ მოემზადოს ნატოს წევრობისთვის და ვიმსჯელებთ ამ ინსტრუმენტების შესრულების მიმდინარეობაზე. ნატოს გენერალურ მდივანს გავაცნობთ საქართველოში მიმდინარე დემოკრატიულ რეფორმებს, წინასაარჩევნო გარემოს. ნატო,  საქართველოში მიმდინარე მოვლენების თაობაზე, მეტად ინფორმირმირებული იქნება“, - განაცხადა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა