ფრაქცია „ქართული ოცნების“ წევრ ზაქარია ქუცნაშვილს ეკონომიკური გუნდის მინისტრებთან საკომიტეტო მოსმენისას რამდენიმე შეკითხვა აქვს.

დეპუტატს აინტერესებს, შეიძლებოდა თუ არა ლარის დევალვაციასთან დაკავშირებული პროცესების ორგანიზება და წინასწარ შემარბილებელი ზომების მიღება.

„ბუნებრივია საზოგადოებრივი ინტერესი ამ მოსმენის მაღალია. ის, რომ ლარის დევალვაცია არის მათ შორის დიდწილად რეგიონალური და გლობალური ეკონომიკური პროცესების შედეგი, ეს უკვე აღიარებულია საექსპერტო საზოგადოებაში. ჩემთვის აქტუალურია ორი შეკითხვა, შეიძლებოდა თუ არა ამ პროცესების პროგნოზირება და შეიძლებოდა თუ არა წინსწრებით შემარბილებელი ზოების მიღება. ამ ორ შეკითხვაზე პასუხი წარმოშობს შემდეგ შეკითხვაზე, რომელი სახელმწიფო ორგანო არის პასუხისმგებელი ამ შემარბილებელი ღონისძიებების დროულ გატარებაზე“, - განაცხადა ზაქარია ქუცნაშვილმა.

რაც შეეხება რიგგარეშე სხდომაზე მისვლის საკითხს, ქუცნაშვილის განცხადებით, ის რიგგარეშე სხდომაში მონაწილეობის მიღებას არ აპირებს.

„რიგგარეშე სხდომაზე ჩემს გარდა მე მგონი, არავინ დადის. მე, მანანა კობახიძე, დიმიტრი ხუნდაძე, დათო ლორთქიფანიძე დავდივართ, ამიტომ აღარ ვაპირებ ამ ჩემს პატივცემულ კოლეგებთან ერთად უმცირესობაში ყოფნას“, - განაცხადა ქუცნაშვილმა.

შეგახსენებთ, ქვეყანაში შექმნილ ეკონომიკუ ვითარებასთან დაკავშირებით, ეკონომიკური გუნდის მინისტრების საკომიტეტო მოსმენა ხუთშაბათს, პრეზიდენტის მოწვევით რიგგარეშე სხდომა კი პარასკევს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი