იმ დროს, როდესაც დღევანდელი მაღალი თანამდებობის პირებს ეშინოდათ ხმის ამოღება, ანა დოლიძის ხმა საკმაოდ მკაფიოდ ისმოდა, - ასე გამოეხმაურა პრეზიდენტის ადმინისტრაციის უფროსი გიორგი აბაშიშვილი ანა დოლიძესთან დაკავშირებით საპარლამენტო უმრავლესობის ერთ-ერთი ლიდერის, გია ვოლსკის მიერ გაკეთებულ შეფასებას.

როგორც აბაშიშვილმა აღნიშნა, დოლიძე არის უმაღლესი კვალიფიკაციის იურისტი და მას საკმაოდ შტამბეჭდავი ბიოგრაფია აქვს.

„ანა დოლიძე არის უმაღლესი კვალიფიკაციის იურისტი და მას აქვს საკმაოდ შთამბეჭდავი ბიოგრაფია საზოგადოებრივ-პოლიტიკური თვალსაზრისით. იმ დროს, როდესაც დღევანდელი მაღალი თანამდებობების პირებს ეშინოდათ ხმის ამოღება, ანა დოლიძის ხმა საკმაოდ მკაფიოდ ისმოდა. შესაბამისად, მე ყველას გავუმეორებ ანა დოლიძის მოწოდებას, რომ სჯობს დეპუტატებმა შეასრულონ მათზე დაკისრებული პირდაპირი მოვალეობები“, - განაცხადა აბაშიშვილმა.

პრეზიდენტის საპარლამენტო მდივანმა ანა დოლიძემ პარლამენტს მოუწოდა, უზენაესი სასამართლოს მოსამართლეები დროულად დაამტკიცოს.

დოლიძის აღნიშნულ შეფასებას მმართველი გუნდის ერთ-ერთი ლიდერი გია ვოლსკი გამოეხმაურა და აღნიშნა, რომ „ანა დოლიძე თავის უფლება-მოვალეობებს აჭარბებს და ასეთი განცხადება მის თანამდებობას არ შეესაბამება“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი - საქართველოს მთავრობა არასწორი მიმართულებით დგამს ნაბიჯებს

მას შემდეგ რაც რეჟიმმა კომუნალური გადასახადები გააძვირა ხარჯი 6.5%-ით გაიზარდა, სურსათის ჯგუფში კი ფასები 7.5%-ით არის გაზრდილი

ოცნების პარლამენტის წევრი: აშშ-სთან ურთიერთობები ეტაპობრივად აღდგება

სამართალდამცველებმა 1 კილოგრამამდე „კოკაინი" ამოიღეს