მყვინთავებს, რომლებიც გონიოში სამხედრო წვრთნებს ახორციელებდნენ, ინსტრუქტორის სერთიფიკატები აქვთ, - ამის შესახებ შეიარაღებული ძალების გენერალური შტაბის უფროსმა გენერალ-მაიორმა ვახტანგ კაპანაძემ ჟურნალისტებს განუცხადა.

როგორც კაპანაძემ აღნიშნა, მოკვლევის საგანია, რამდენად ითვალისწინებდა სერთიფიკატი იმ კონკრეტული მეცადინეობის ჩატარებას, რასაც ორი ჯარისკაცი ემსხვერპლა.

„მოკვლევა მიმდინარეობს. იმის თქმა, რომ სერთიფიკატები არ ჰქონდათ და არ ჰქონდათ სასწავლო პროგრამები, ეს არ იქნებოდა ზუსტი, ვინაიდან ინსტრუქტორებს გააჩნიათ სერთიფიკატები. იქ არის საკითხები, არსებული სერთიფიკატი რამდენად ითვალისწინებდა კონკრეტული სწავლების თუ მეცადინეობის ჩატარების უფლება-მოვალეობებს. უნდა დადგინდეს, თუ რა სასწავლო დისციპლინები აქვთ გავლილი ამ მყვინთავებს, იმიტომ რომ ყველას აღებული აქვს საერთაშორისო სერთიფიკატი თურქეთში, როგორც ჩემთვის არის ცნობილი“, - განუცხადა კაპანაძემ „რუსთავი 2“-ს.

ცნობისთვის, დღეს თავდაცვის მინისტრმა ლევან იზორიამ განაცხადა, რომ პირებს, რომლებიც გონიოში წვრთნებს ახორციელებდნენ, ინსტრუქტორის სერთიფიკატი არ გააჩნდათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი